لقاء كارثي

بس اناي لما لاحظتي اني مش بتكلم انا وهو و لا هو ظاهر سالتيني و مسكتيش الا لنا عرفتي و انا عرفتك عادي و دي اول مره تحصل اني ادخل اي حد في مشكله تخصني انا و الشباب بس عشان حضرتك بالنسبالي مش اي حد كنت مرتاح وانا بتكلم معاكي و بالعكس سمعت كلامك و تاني يوم روحتلوا و الموضوع خلص و مش معني كلامي ده انك تفكري اني عايز اعرف او عايزك تحكيلي انا مش فضولي يا ليله و لا بحب اتدخل في علاقتك انتي والبنات

ليله…..طيب علي فكره بقي في نقطه انت فاهمها غلط انا لا شيفاك فضولي ولا مش حابه اتكلم عشان دي حاجه خاصه و لا اصلا زي ما انت فاكر اني مش حابه احكيلك

يمكن انا عموما مش بحب ادخل اي شخص في حاجه تخصني انا والبنات حتي اخواتي عشان اللي بينا مش لازم حد يعرفوا احنا نختلف نتفق نتخاصم نتصالح بينا وبين بعض عشان مثلا حد فيهم عمل معايا موقف مش حلو طبيعي اخواتي لو عرفوا هياخدوا موقف هيزعلوا علي زعلي هيقفلوا من صاحبه الموقف وانت كمان وارد اوي تزعل علي زعلي او تضايق من حد فيهم و انا محبش ابدا ده يحصل عشان اكيد مهما اختلافنا احنا مع بعض و انا محبش ابدا علاقتك باي واحده من البنات تتأثر و بحب جدا علاقتك بيهم بعيد عني

عشري….وانا مش عيل يا ليله عشان اعمل كده اولا لاني عارف البنات بتحبك قد ايه و الخلاف في اي علاقه وارد فا مينفعش اخد موقف منهم انا المفروض اصلح او اخليني في حالي لكن ازعل منهم علي زعلك لا مينفعش

ليله….تمام بس انا شرحتلك وجهة نظري ده اولا ثانياً انت امبارح لما جيت و سألتني انا كنت بحاول اكون كويسه بس بجد كنت مضايقه والموقف كان لسه حاصل من كام ساعه و مضايقني جدا و كنت حاسه اني مضغوطه قضينا يوم طويل جدا في اختيار الفساتين لف و تعب وارهاق و قبلها بيوم كنا متجمعين كلنا و لما روحنا سهرنا فا مكنتش نايمه كويس خلصنا روحنا اتغدينا و بعدها الموقف ده حصل فا انا راجعه علي اخري انت فضلت تسأل و انا مكنتش حابه اتكلم وقتها فا عشان كده كنت متعصبه

عشري….اممم فا ملاقتيش غيري بقي تطلعي عليه عصبيتك

ليله…..بابتسامه اولا انت كداب انا متعصبتش انا قولتلك انا كويسه يا عشري

عشري…..لا يا شيخه ده بجد

ليله….بضحك مكانش قصدي والله العظيم كنت مضغوطه و بعدين انت عصبتني اكتر لما مش رضيت تاكل