لقاء كارثي
لقاء كارثي
علا…..حبيبه قلبي شكلك قمر خالص انتي وايه بجد
سلمي…..بابتسامه يا عمري تعالي نتصور انا وانتي وايه وهنا
علا….ماشي يلا
…………..
نعيمه….ايه رايك
هنا……دي جميله خالص هي اسمها ايه
نعيمه…..اسمها كاندي
هنا…..حلوه اوي
نعيمه….عجباكي
هنا….ايوه هي ازاي عندها عين وعين كده
نعيمه….بضحك معرفش ربنا خلقها كده
هنا…..هو الناس كمان ممكن يبقي عندها عين وعين
نعيمه…اممممم والله يا هنا انا شوفت صور ناس كده بس اجانب يعني و بصراحه مش عارفه دي عيونهم بجد و لا صوره متركبه
هنا…..طيب هو الناس اللي ليهم عين ملونه بيشوفوا الحاجه كلها ملونه
نعيمه….بضحك يعني اللي عينهم خضراء بيشوفوا كل حاجه خضراء
هنا….ايوه
نعيمه….بضحك لا طبعاً بيشوفوا زينا بالظبط بس هما لون عينهم مختلف انتي لون عينك ايه
هنا قامت من جنبها بسرعه بصت في المرايه و هي بتقرب اوي
نعيمه….بصحك انتي مش عارفه
هنا…..هي لونها براون او بلاك
نعيمه….بضحك لا هي براون بس سؤال بقي انتي بتشوفي كل حاجه بنفس لون عينك ده
هنا….بضحك ايوه انا شيفاكي براون
نعيمه….بضحك انتي بتشتغليني يا هنا انا براون ده انا هبقي شبه الدبدوب كده
ضحكت هنا ضحكه جميله
نعيمه… بضحك انتي بتضحكي عليا طب علي فكره انا كمان شيفاكي براون
هنا….بضحك لا انا مش براون
نعيمه….امال انتي ايه
هنا…..انا انسان
نعيمه….بضحك انتي انسان براون
فتحت ايه الباب
ايه….انتوا هنا فكرنا هنا نزلت
سلمي…لاقتيها
علا…..هنا روحتي فين
نعيمه….متخافوش دي بتشوف القطه
سلمي….بابتسامه فكرناها نزلت واحنا مش واخدين بالنا
نعيمه…لا هي شافت الحاجه بتاعتها سالت ليله قالتها اني عندي قطه قالتلي عايزه تشوفها
هنا….مامي شوفي كاندي عندها عين وعين
علا…..الله جميله خالص ماشاء الله
سلمي……هو انتي ممكن تيجي معانا عشان نتصور مع بعض
هنا…. طيب ممكن اخد كاندي تتصور معانا
علا….لا حرام خليها هنا دي صغيره و هتخاف من الدوشه
نعيمه….طيب خديها اتصوري بيها بس نرجعها هنا تاني عشان الباب بره مفتوح ممكن تهرب
هنا….اوك هتصور و نرجعها
نعيمه….اتفقنا
ابتسمت سلمي بهدوء كانت حاسه بتغير فظيع لنعيمه كل شويه بيظهر اكتر
خرجوا علي بره اتصوروا و بعدين رجعت القطه مكانها تاني
واندمجت مع بنت مها الصغيره كنزي و مع علي ابن اميمه
