لقاء كارثي
لقاء كارثي
مها….اوي والله و حساسه جدا
قمر….نسمه عامله زيي انا مبعرفش اخبي حاجه و مبحبش حد يقولي سر عشان بفضل شايله الهم
ليله…..انتي ملكيش زي يا ماما انتي حتي لو محدش شك فيكي بتعترفي
ايمي….احيه عليا قمر ملهاش زي اصلا لما كنا بناخد دروس مع بعض زمان لما كنت اعمل اي حاجه و المستر يسأل مين عمل كده ويبصلها تقولوا والله مش انا دي ايمي
ليله….بصحك واكيه بتبيعي صاحبتي
قمر…..صاحبتي قبلك يا ماما انتي اللي خدتيها مني
ليله… بضحك عشان مش بفتن عليها
نعيمه….لا امسكوا في شعر بعض احسن
ايمي….سيبك منهم يا زوزو دي عالم فاضيه قولتي ايه طالعه معاهم العمره
ماريز……حد فيكم جزمته بتتقلع بسرعه
ايمي….. بضحك استهدي بالله انا قايمه
قامت ايمي و فضلوا كلهم يضحكوا.
………….
في الاسفل الشباب كانوا واقفين يضحكوا و يتكلموا و كل حبه فيهم واخدين جنب
محمود واصحابه وتامر و عدي وسليم و نادر مع بعض
عشري مع وليد و احمد وسامح بيتكلموا
فضل و حسان ورشيد وشادي مع بعض وصل اهل حسان
استقبلهم حسان بحب كانوا مبسوطين اوي سلموا الشباب عليهم
و باركولهم في نفس اللحظه اخيرا وصل سلامه و ميدو سلامه كان معاه امه و ريهام و ميدو معاه والد سلامه و مصطفي عملوا احلي هيصه بالكلاكسات و هما بيقربوا منهم كان الكل واقف مبسوط و بيضحك
ركن سلامه و ميدو محمود عينه كانت علي ريهام شكلها كان يجنن وهي في العربيه مكانتش لسه ظاهره اوي بس شكلها حلو اتوتر شويه و هي اتوترت جداااا
نزل سلامه و فتح الباب لامه و ريهام سلموا الشباب علي حنان و والد سلامه و سلموا علي سلامه كانوا مبسوطين
عشري راح اول واحد لعسال وضموا اوي
عسال…..حبيبي الغالي
عشري….وحشتني يا واطي
عسال…..اوي ولا نص نص
عشري….. بضحك اوي والله شويه و كنت هعيط زي نادين
عسال… بضحك اخويا والله
فضل….يلا يا وااااطي
عسال….بضحك وهو بيحضنه هتجوز قبلك برضوا
فضل …بضحك ياعم مش مهم انت اسمرين كده ليه ياض
عشري….اه هي السخنه حر ولا ايه في يومك ده
عسال…..لا عادي بليل تلج بس الصبح الجو حلو بس ايه اسمريت اوي
عشري…..مش اوي بس باين انك في مصيف
فضل…. بضحك اجل بقي الجواز لحد ما ترجع للونك الطبيعي
عسال….واله لو بقيت فحمه هتجوز قبلك
فضل….يا وااااطي
مصطفي…..اهلا شيوخ العرب
