لقاء كارثي
لقاء كارثي
ليله…..تعرفي اني نفسي افرح بيه هو كمان يعني بصراحه مصدقت ان اخوكي اتحرك و فاق لنفسه نفسي هو كمان يفوق
ايمي…..هيفوق يا ليله و خدي بالك معرفش ليه حاسه انه ممكن يركز مع نغم
ليله…..بابتسامه ض*ربتها علي كفها نصي التاني يا بت
ايمي….بضحك يعني انا صح
ليله….بصي هو مهتم بيها معاها في كل حاجه و اي موقف او مشوار مش قادره احدد دي مجرد مساعده ولا اعجاب بس انا حاسه انه اعجاب نغم مقعدتش معاهم فتره بسيطه برضوا و سبحان الله يمكن مقابلتهم بيها دي مكانتش صدفه و كانت ترتيب من ربنا ليها وليه
ايمي….ايوه صح هي محتاجه حد معاها و جنبها محتاجه تحس بامان و هو كمان كان لازم حاجه تساعده انه يطلع من افكاره دي و يلتزم بثقه سلامه اللي حطها فيه و بعدين اللي مخليني شاكه انه معجب بيها ان طول الفتره اللي كان شغال في شقه ايه مكانش مضايق نفسيته مكانتش وحشه ماهو برصوا لو هي لسه في دماغه يا ليله مش سهل خالص انا يشتغل في شقه عارف انها هتبقي شقه ايه مع سلامه
ليله….لا طبعا مش سهله وهو فعلا مش مضايق خالص يعني الكام يوم اللي نزلت فيهم مع البنات في مره جه تامر ياخد حاجه سلمي كنا تحت بيت ايه و نادين مصطفي نزل يدينا المفتاح عشان نطلع حاجتهم هما كمان و عايزه اقولك الاتنين تامر و مصطفي خربوا الدنيا هزار و ضحك و كان عادي خالص و طلعنا الحاجه مع بعض لو في دماغه حاجه لسه هتبان عليه و مش هيبقي كده
ايمي…..هو اتسحل مع نغم في حكايتها و مشاكلها و شكله كده اتدب علي بوزه و بصراحه ياريت البت غلبانه اوب و طيبه و جميله
ليله…. بضحك بس احيه علي فرق الطول بينهم مصيبه
ايمي…..بضحك قصدك ايه يا مهزئه ما انا ورشيد نفس الفرق
ليله…..لا والله دول اوسخ بيتهيألي تامر اطول من رشيد شويه كمان ماشاء الله هو طويل و هي صغنونه خالص
ايمي…..بابتسامه حلوين حلوين عشان تبقي سهله في الشيل والحط ابننا لتزم يسيطر برضوا
ليله….بضحك طب قومي يا اختي خلينا نشوف الناس كفايه نم احيه علينا صدق اللي قال علينا ريا وس*كينه
ايمي…. بضحك سلامه الكلب اللي طلعها علينا
ضحكت ليله و خرجوا علي بره.
………………..
زوزو و نجلاء و نعيمه و اميمه وقمر كانوا قاعدين جنب بعض عمالين يرغوا
ايمي….تعالي نرخم علي زوزو شويه
ليله….يابنتي ارحميها دي لسانها طويل هتروقنا
