لقاء كارثي

طلع حسان البطايق و بقي مشغول شويه مع المأذون قرب تامر وقف جنب ابوه كان لسه في صوت كلتم و ضحك و همسات

خد المأذون وقته في تظبيط الاوراق و بعدين المفروض كان يبقي في امضاء منهم

حسان….قرب من سلمي و ابتسم و مدلها ايده تعالي يا سلمي

بصتلوا وهي متاخده و علي وشها ابتسامه هاديه مسكت كفه و هي ايدها متلجه

راحت معاه و قعدت معاهم علي التربيزه

كان في حاله من السعاده و التأثر طاغيه علي البنات جدا

بدأت سلمي تمضي علي كل الورق اللي الماذون يقربه منها

حسان….بهمس حبيبي اهدي ايدك بتترعش جامد

بصتلوا وهي عينها كلها دموع وهزت راسها

ابتسم بهدوء و كان حاسس بيها

رجع الماذون يشاورلها تاني تمضي فين و في الاخر بصمت هي و حسان بصت للبنات بأبتيامه تأثر وهي عينها كلها دموع و رفعتلهم صباعها بهدوء

ابتسموا واتاثروا و كانت لحظه خاصه جدا بينهم

ايه كانت بصالها و مبتسمه بس خلاص هتعيط ناسيه خالص ان هي كمان هتكتب كتابها كان كل اللي مأثر عليها في اللحظه دي ان سلمي هتتجوز و تسيبها

المأذون….استأذن الجميع الصوت و سمعونا الفاتحه

بدأت الهمسات تختفي و الكل بدأ يقرأ الفاتحه

البنات كلهم كانوا واخدين الجنب القريب من البلكونه

الشباب واقفين قدام التربيزه

اللي قاعد علي التربيزه احمد و اخوه و والد حسان تامر واقف وراء ابوه
و والدته كانت واقفه وراء حسان و سلمي و جنبها زوزو و نجلاء و الباقي كلهم واقفين حواليهم

حماده وعادل كانوا قاعدين علي نفس التربيزه جنب احمد واخوه.

الكل قرأ الفاتحه.

المأذون…..مسك احمد و بص لحسان ايدك يا عريس

مسكوا ايد بعض حط عليهم المنديل وحط ايده فوق المنديل

مسك حسان بكفه التاني ايد سلمي كانت متلجه و بتوزع نظراتها بين احمد و تامر و ايه والبنات عينها كلها دموع و علي تكه عشان تعيط

المأذون…الحمد لله نحمده ونستعينه ونستغفره ونعوذ بالله من شرور أنفسنا وسيئات أعمالنا من يهده الله فلا مضل له ومن يضلل فلا هادي له.

وأشهد أن لا إله إلا الله وحده لا شريك له وأشهد أن محمداً عبده ورسوله صلى الله عليه وعلى آله وصحبه وسلم تسليماً كثيراً.

أما بعد..
فإن خير الكلام كلام الله وخير الهدي هدي سيدنا محمد صلى الله عليه وسلم وشر الأمور محدثاتها وكل محدثة بدعة وكل بدعة ضلالة وكل ضلالة في النار
قال الله تعالى:
ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة إن في ذلك لآيات لقوم يتفكرون