لقاء كارثي
لقاء كارثي
ثواني و نزلتلهم هي كمان كان شكلها فاصل
تامر…. بابتسامه صباح الخير يا نودي
نادين….صباح الخير يا تيمو صباح الخير يا نغومه
نغم….صباح الخير سا قلبي اركبي انتي قدام
نادين…لا خليكي مش عايزه النور يبقي ضارب فيا اوي مش قادره
ركبوا تاني بصلها تامر في المرايا
تامر…..مالك منمتيش كويس انتي كمان
نادين….انا منمتش خالص والله يا تامر
تامر….طب ليه طيب
نادين…..مفيش خرجت شويه مع نعيمه وفضل و رجعنا علي واحده ونص اتنين و انا لما بكون عارفه اني ورايا مشوار بصراحه مش بعرف انام
تامر….انتي عامله زيي بفضل قلقان طول الليل
نادين…اه بخاف تروح عليا نومه او يحصل اي حاجه
تامر…..خلاص لو رجعنا بدري شويه ابقوا ناموا حبه
نادين….شكلها ظفيهاش نوم يا تيمو هنتجمع احنا والبنات عشان نجهز
تامر….لا سلمي قالت هتجيلكم علي الساعه اتنين تقريباً
نادين….هشوف كده حتي هما يجهزوا نفسهم وانا انام شويه وبعدين اصحي اجهز
تامر…اه اعملي كده عشان تقدري ميدو عامل ايه
نادين….بخير الحمد لله
تامر….جاي انهارده اكيد صح
نادين….طبعاً هو قال هيتحرك علي اتنين برضوا
تامر….يجي بالسلامه ان شاء الله
نادين….يارب يا تيمو ايه نغومه جاهزه
مردتش عليها
تامر…..بابتسامه نغم انتي نمتي
نادين…..سيبها خلاص حرام شكلها علي اخرها
نغم…ااا لا لا معاكم اهو
نادين….نامي يا قلبي شويه
تامر…..هو الراجل كلمك
نادين…..انا كلمته قالي هيسبقنا علي البنك هنروح نلاقيه اكيد
تامر….خلاص نخلص علي طول و نطلع بقي نشوف حوار الشهر العقاري
نادين…..المحامي كمان هيبقي موجود هناك
تامر…..كنت هقولك والله علي حوار المحامي ده لسه فاكره لما صحيت
نادين….لا متقلقش انا عامله حسابي لكل حاجه انا قيلاله اصلا عشان نسجل كل حاجه تخص نغم بالمره الفتره الجايه مش هبقي فاضيه خالص
تامر…..تمام كويس برضوا
بعد و قت مش طويل اوي كانوا في البنك علي تسعه ونص خدوا وقت حوالي ساعه ونص في البنك نادين راحه جايه و نغم في ايدها بتخلص ورق و تمضي علي ورق و تامر رايح جاي و هي في ايده برضوا خلصوا كل حاجه حطت المبلغ اللي كان معاها في البنك و نادين عملتوا شهاده ليها و بعدين الشاب اللي خد البيت حط المبلغ باسم نادين في البنك خلصوا و طلعوا علي الشهر العقاري خدوت حوالي ساعتين هناك اتنازلت نغم عن الشقه خلاص و بقت باسمه خلصوا كل حاجه و المحامي كان معاهم خطوه بخطوه و اخيراً خلصوا كل حاجه باركوا لصاحب البيت سلمته نغم المفاتيح و بعد كده مشيوا
