لقاء كارثي
لقاء كارثي
عسال…..حاضر متقلقيش
نادين…طيب انت نايم كويس
عسال…..اه نابم كويس و فايق و متخافيش المهم لما توصلي طمنيني
نادين….تمام يا قلبي ميدو وحياتي عندك براحه
عسال…..حاضر والله متخافيش يا قلبي يلا خدي بالك من نفسك تمام
نادين….تمام يا حبيبي يلا باي
عسال…باي يا تويتي
…………………
في منزل زوزو
ايمي…..امنيه ما تيجي معايا انا والبنات
امنيه….مش هعرف يا ايمي روحي انتي عمرو واخد اجازه
ايمي…طيب ايه المشكله ماهو نايم فوق و هيجي بليل معاهم
امنيه….مش هعرف بقي وبعدين هنبقي زحمه هناك و مش هنعرف نظبط نفسنا و كمان هفضل راحه جايه بشنطه لبس خليني اروح لابسه علي طول
ايمي…..خلاص اللي يريحك بس لو غيرتي رايك خلي حودا يوصلك
امنيه….ماشي يا قلبي
نزلت ايمي سلمي و ايه و ليله كانوا تحت مع زوزو
ايمي…..ايه يا بنات يلا
ليله….فين اختك
ايمي…..بتقولي هتيجي بليل علي طول
سلمي…طب ليه ما تيجي معانا
ايمي….هي لسه صاحيه اصلا و عمرو اجازه و كسلانه تروح وتيجي بلبس
ماريز….خلاص سيبوها هنيجي بليل مع بعض و هي تجهز علي مهلها روحوا انتوا اتبسطوا مع بعض
ليله…..ماشي يا زوزو متتأخروش بليل
ماريز….لا مش هنتأخر ان شاء الله
ايمي….باي يا زوزو
سلمي…سلام يا زوزو
ماريز….سلام يا حبايبي
خرجوا البنات علي بره
ايه…..انا عايزه اتصل علي نغم تيجي مع نادين
سلمي….كلمت نادين و هتروح معاها تجيب لبسها و هيجوا علي هناك
ايه….طيب تمام
ليله…..يلا اركبوا يا بنات
ركبوا الاربعه و اتحركت ليله
سلم…..بابتسامه بس مقولتليش يا يويو ايه رأيك بعودة العلاقات
ايه……بضحك عودة ريا وس*كينه
ايمي….بصتلهم وراء و ابتسمت طب اصطبحوا عالصبح بدل ما نتاويكم
ليله…..هما حرين مشوا يومكم عشان تتجوزوا ونخلص منكم بدل ما نخلص عليكم
سلمي…..بضحك لا وعلي ايه خلاص سكتنا بس بصراحه عشري و رشيد دول طلعوا بشاوات
ايه…..بصراحه اه عشان تعبتونا معاكم انتوا الجوز دماغكم عايزه الحرق
ايمي…..مش ملاحظه يا بت ان لسانك بقي طويل
ايه….والله انا العروسه المنتظره يعني براحتي
سلمي….وانا كمان عروسه منتظره
ايمي….عيال محدش فيكم عارف ميدو مشي من السخنه ولا لا
سلمي…..انا نسيت اسأل نودي بس اكيد مشي طبعاً
ليله….عشري كان بيكلموا الصبح لما صحينا بيطمن عليه و قالوا هيتحرك علي اتنين كده
