لقاء كارثي

و قيسي بقي علي كده حجات كتير يحصل سرقه من الزباين في بعض و يتهمونا فيها يحصل سرقه من حد من اللي بيشتغلوا و نبقي متغفلين و مش عارفين مين فيهم كويس و مين وحش تحصل مشكله تقلب بمصيبه حد يتبلي عليكي حد يحطلك حاجه ليله احنا وقت مشكله مريم الكل كان مصحصح يوميا الشباب كانوا متابعين الكاميرات وانتوا في المطعم عملتوا كده

الكاميرات بتخلينا ناخد حرصنا ديما و بعيداً عن ان يحصل مشكله جوه المكان هي كلمه حق ملهاش صوت يعني واحد خبط واحد بعربيه وجري هيتجاب من نمر العربيه واحد اتخانق مع واحد حد قتل حد الكاميرا بتظهر وشه يعني بنساعد بطريقه غير مباشره

لو حصل مصيبه يا ليله و الشرطه اكتشفت ان في كاميرات بس مش شغاله في غرامه و عقوبه اصلا مبقاش حد ينفع يشغل مكان غير لما لازم يحط كاميرات اي مكان في مصر الوقت كله كاميرات اكشاك صغيره محلات ملابس سوبر ماركت صيدليات ميكانيكي و كل الفئات و اصحاب كل المحلات يعني بقت اجباري و دي حمايه ليكي و لمكانك و حمايه ليكي من التيم اللي شغال معاكي و حمايه للتيم لو حد اتبل عليه حمايه للزبون اللي بيتردد عليكي و حمايه من الزبون لو كان ناويلك علي نيه وحشه

باختصار هي ضمان حق لكل الاطراف يعني ايمي كان معاها حق وارد تكوني نسيتي اتلخمتي مركزتيش عادي بتحصل كنتي قولتي كده و كان الموضوع خلص انما انتي معملتيش كده

ليله…..انا حقيقي نسيت يا عشري يعني هو قالي مره و لما مقالش تاني نسيت دماغي فيها مليون حاجه حرفيا ايمي بقي زعلت بتقولي هو لازم يقولك كام مره

عشري….ما هو يا قلبي صح التيم اللي بيشتغل معاكي قليل الحيله كل اللي عليه لما يحس بعجز في الخامات لما يشوف جهاز عطلان كاميرا مش شغاله حاجه ناقصه حاجه زايده يبلغ انتي كا اونر للمكان و يهمك بتاخدي كلامه و تنفذيه هو مش هيعمل ده من جيبه ولا هيفضل رايح جاي عليكي يفكرك لان خدي بالك فكره ان التيم اللي شغال معاكي يفضل بنبهك كل شويه علي نفس الحاجه دي بتخليكي في نظره مهمله مش مهتمه فا بالتالي هو كمان هيطنش و هيهمل و مش هيسأل

بل بالعكس ده ممكن هو كمان يبدا يبوظ و يخرب و عادي ما الاونر بتاعت المكان مش فارق معاها و علي ما تصحي من الغيبوبه و تركز ايه بايظ وايه عايز يتصلح مش هتتكلم معايا فا هو يا قلبي مش مطالب يشتغل منبه هو بيقول الكلمه مره واحده وانتي دورك تشوفي اللي قاله ده مستاهل اصلح مش مستاهل خلاص انما كمان انتي اتعاملتي مش بس ببرود يا ليله في الموقف انتي كمان شوفتي الموضوع سهل عادي ايه بعني زبونه وقع منها حاجه في المكان وايه يعني الموضوع كبر و وصل للشرطه هتخلص علي غرامه او تعويض هدفعه لا يا قلبي الموضوع مش فلوس وبس يا ليله..