لقاء كارثي
لقاء كارثي
ايمي….يعني زمانه اتحرك كده
ليله…..اه ربنا معاه يارب و يوصل بالسلامه
ايمي…..يارب
………………….
صحيت نعيمه من بدري قامت جهزت لبسها و جهزت كمان لبس نادين كانت عارفه انها هترجع فاصله
و بعد كده دخلت المطبخ جهزت شويه تسالي عشان يتسلوا بيها و هما بيجهزوا فضلت تدور علي كاندي ملقتهاش خالص بقت عماله تبص تحت الكراسي ملهاش اثر فضلت تبسبسلها عشان تطلع مفيش بس سمعت صوتها بتنونو و الصوت جاي من البلكونه.
راحت براحه علي جوه تشوفها بتعمل ايه عشان تخرجها و تحطها في البوكس بتاعها و فجأه لاقتها علي السور طلعت علي تربيزه صغيره و بعدين علي الكرسي و علي السور علي طول.
نعيمه….لا لا لا انزلي انزلي والنبي انتي ايه اللي طلعك كده
بصتلها القطه و فضلت تنونو و بعدين اتحركت
نعيمه….بخوف لا اوعي تتحركي والنبي يا كاندي هتم*وتي والله
جريت بسرعه علي جوه مسكت الموبايل و اتصلت علي ايه
ايه….ايه يا نوني
نعيمه….ايه انتوا قربتوا
ايه…بخوف في ايه يا نعيمه
نعيمه…بخوف كاندي واقفه علي سور البلكونه ومش عارفه اعمل ايه والنبي تعالي بسرعه
ايه…طب نزليها بسرعه يا نعيمه احسن تقع
ليله….في ايه يا ايه
سلمي…..هي ايه دي
ايمي….استر يارب
ايه…..القطه واقفه علي السور بتاع البلكونه
ليله….و قعتي قلبي يا شيخه قوليله تنزلها
نعيمه….مش عارفه خايفه والله
ايه….احنا لسه متحركين من خمس دقايق يا نوني نزليها احسن تقع
نعيمه….انا خايفه والله اوي
ايه….لا متخافيش سمي و امسكي ونزليها علي الارض بسرعه بس الحقيها والنبي احسن تقع
نعيمه …طيب استني خليكي معايا
سابت الموبايل علي التربيزه
نعيمه….ششش انزلي انزلي والنبي هتقعي لا لا متتحركيش
ايه…. امسكيها متخافيش يا نوني
سلمي…..نوني براحه يا قلبي نزليها احسن تقع مش هتعملك حاجه والله
نعيمه….استنوا انا خاااايفه
ليله….نعيمه لو وقعت وجرالها حاجه هتفضلي شايله ذنبها فضل مسكهالك قبل كده و معملتش حاجه
نعيمه….انا عارفه بس انا مش قادره المسها
ليله….معلش حاولي يلا بسرعه
ايمي….هي ايه اللي دخلها اصلا و عرفت تطلع ازاي
نعيمه…البلكونه مفتوحه و مش عارفه طلعت ازاي شكلها طلعت علي الكرسي او التربيزه
ايمي…طيب براحه يلا امسكيها قبل ما تقع
نعيمه…يارب يارب بسم الله استني والنبي اووووف قربت بهدوء مدت ايدها براحه هتقع والله بتتحرك
