لقاء كارثي
لقاء كارثي
عشري….اسمها برضوا بوء الحمامه يا رااااجل
ضحك رشيد و ليله و ايمي فطسوا من الضحك علي عشري اللي لسانه علي طول طويل
عشري….الله مدام ريا معاك مش تقول يا راجل
بصتلوا ايمي و رفعت حاجبها و ضحكت
عشري….عامله ايه و اخبار الولاد ايه يااااه بقالي كتير مشوفتكيش يا شيخه ليكي وحشه
ايمي….بابتسامه اه زمن فات مشوفتكش من اول امبارح اتغيرت كتير
عشري…..يااااه اول امبارح ده من زمان اوي طب و ده كلام ينفع الدنيا تاخدنا من بعض كده
ايمي….معلش بقي مشاغل
رشيد….تصدق انك واطي مش تقول ان المدام معاك
ضحكت ليله و مالت براسها وهي بصالهم و مضيقه عينها
ليله….ايه مش شايفني شفافه صح
رشيد….لا بس مغطي علبكي عامل زي الحيطه اخبارك ايه يا ليله وحشاني والله ليكي وحشه
ليله….بابتسامه و انت كمان يا استاذ رشيد مشوفتكش برضوا من اول امبارح
رشيد….طب ايه طمنيني اتغيرت كتير
ليله….اوي
رشيد….كبرت ولا ايه اللي اتغير فيا بالظبط
ليله…..بابتسامه لا مكبرتش ولا حاجه بس معدل الصياعه زاد عندك انت وعشري ماهو انا مشوفتهوش انهارده برضوا صحيت ملقتهوش فا يوم كامل عمر برضوا و سبحان الله زاد فيهم حجات كتير تغفيل و صياعه و خباثه و تحوير و قصصصصه كده كبيره و بصراحه تم التغفيل بنجاح
رشيد….بص لعشري انت عامل ايه
عشري…..انا زي الفل والله بس انتوا ايه الصدفه الحلوه دي تصدق يا راجل اني متوقعتش اشوفك هنا خالص
رشيد….ولا انا سبحان الله القلوب بتتلاقي لينا نصيب نشوف بعض جيت علي بالي من شويه قولت ياااااه بقي الدنيا تاخدنا من بعض كده يا صاحبي خمس ساعات مشوفكش
ايمي…..طب خير هتفضلوا تغنوا و تردوا علي بعض كده كتير
عشري…..جوزك واحشني والله يا مدام غصب عني الشوق فضاح
ايمي…..لا وانتوا الشهاده لله مفاضيح
ضحكت ليله و مقدرتش تمسك نفسها قربت من ايمي شدتها لحضنها وهي ميته من الضحك
عشري و رشيد فصلوا من الضحك هما كمان و كانوا مبسوطين اوي
ايمي….بحب ابتسمت وحشتيني
ليله…..انتي وحشتيني اكتر
خدت نفس طويل و فضلت حضناها
ابتسمت ايمي بسعاده و ضمتها اكتر
ايمي….متزعليش مني
ليله….بحب انتي اللي متزعليش انا مش زعلانه
ايمي….ولما انتي مش زعلانه يا واطيه قفلتي موبالك ليه عشان موصلكيش صح
ليله….لا والله بس كنت مضايقه
