لقاء كارثي

ايمي….واللي يرجع

مصطفي….لا يبقي عيل والله الحلو كله هيبقي عليا احنا عندنا كام ايمي و رشيد

ايمي….حبيب قلبي الله يسعدك و يفرحنا بيك قريب

ليله…..هتبدأ امته يا مصطفي البرنامج

مصطفي….لا لسه شويه حلوين يعني بنظبط الافكار و في حلقات هتتكتب يعني نتكلم في مواضيع معبنه مش كله هيبقي ارتجال فاهمه

ليله…ايوه فاهمه بس هو مقالكش معاد معين

مصطفي….لا قالي طبعا المفروض ممكن نبدأ شهر سته او بعد امتحانات الثانويه علي نص سبعه كده عشان يبقي موسم صيف ونخربها بقي بس هو قالي كمان اني اشتغل شويه علي صفحه التيك توك و اداني افكار ڤديوهات اعملها هو عايز اكون متشاف عشان وقت العرض يبقي في ناس تعرفني فاهمه

ليله….اه عايزك تعمل زي جنهور يعني

مصطفي…بالظبط هو قالي مش شرط خالص يبقي ليك جمهور قوي او اعداد كتير بس التيك توك بيساعد في الانتشار و ممكن ڤديو فيهم يض*رب

ايمي…..انت لو عملت بس مقالب في اخواتك والله هتسمع جدا

مصطفي…..ماهو دي من ضمن الافكار اللي اتكلمنا فيها احنا لما قعدنا مع بعض شاف كام ڤديو قديم و عجبوه جدا و فطس من الضحك قالي عيش و انشر كل القديم ده

ليله….طب مستني ايه ما تخلص و احنا هنشيرلك كلنا

مصطفي….ماهو انا بس مستني اخلص من الافراح دي عشان الڤديوهات القديمه محتاجه تظبيط في مثلا ڤديوهات ماما او ريهام كانوا بيظهروا فيها دي هقطعها هخلي المقلب من غيرهم فاهمه

ليله….ايوه صح كده احسن انت ركز علي سلامن وميدو وانت

نعيمه….والجديد بقي اللي هتعملوا حاول تبقي منبههم ميظهروش عشان متفضلش تقطع كده

مصطفي….ما انا هاخد بالي بعد كده كل اللي فات ده كنت بصوره لينا احنا ضحك وهزار بينا فاهمه لس هظبط الدنيا ان شاء الله

ايمي…..ربنا يوفقك يارب يا حبيبي و هتكسر الدنيا انا واثقه

مصطفي…يارب يا ايمي

ليله…..خلي الموبال في ايدك طول الوقت بعد كده عشان اي فكره تجيلك تبقي جاهز

مصطفي…..ما انا هعمل كده و في افكار حلوه اوي بفكر فيها الفتره الجايه يا مسهل

ليله….خير يا صاصا ان شاء الله و انا في ضهرك ديما متقلقش

مصطفي…..حبيبتي يا ليله ربنا ما يحرمني منك.

…………….

تقي و نسمه ونغم و ايه و ريهام كانوا واقفين معاهم عدي و سليم و نادر وسلامه و قرب منهم مصطفي

مصطفي…..عقبالكم يا بنات