لقاء كارثي
لقاء كارثي
عشري….بضحك بامانه
ايمي….بضحك بامانه
عشري…..اخلص من نكدكم
ضحكوا كلهم
عشري…اصل بصي بالعقل كده انا عارف ان انتوا الاتنين متقدروش تزعلوا من بعض و عارف كمان ان زعلكم من بعض مش مش مقاطعه و خصام لان انتوا علاقتكم بالنسبالي من احلي العلاقات اللي شوفتها في حياتي بس خلينا نكون واقعين اي اتنين علاقتهم ببعض كويسه
لما بيحصل بينهم سوء تفاهم بيأثر علي نفسيتهم لا انتي هتبقي كويسه ولا هي
رشيد….و الدليل ده انعكس علي ليله و انعكس علي ايمي كمان يمكن هي اتكلمت معايا من غير عصبيه بس كانت مضايقه و هتتجن انها مش عارفه توصلك و هتتجن انك فهماها غلط و الموضوع اصلا مسيطر عليها
و طبعاً انا مش حابب انها تفكر كتير او اعصابها تتعب او تضايق و تتوتر عشان الحمل خصوصا اني شايف الموضوع بسيط و الحمد لله اتحل
و برضوا مش عايزك انتي كمان يا ليله تضايقي عشان انا بشوف انك مش بتقصري مع اي حد و ديما في ضهر الكل و ديما بتبدي غيرك عن نفسك و الاهم من كل ده انتي لسه عروسه و مش عايز يحصل بينك و بين عشري زعل بسبب انك زعلانه مع ايمي انا عارف ان عشري اكبر من كده وعمره ما هيزعل منك بس انا بتكلم عن الشد سوء التفاهم و بصراحه يا ليله انا مش حابب اي حد فينا يزعل من التاني لاني بجد بدات اشك ان علاقتنا كلنا ببعض واخده عين محترمه و انا ياستي بعتذر بالنيابه عن عصبيه ايمي طبعا مقدرش اقول ان ايمي غلطانه في الموضوع عموما هي علي حق بس انا قولتلها غلطها الوحيد انها اتعصبت قدام الكل
ليله….. بابتسامه هاديه رشيد اولا متعتذرش انت ملكش ذنب ثانيا حتي ايمي انا مش مستنيه منها اعتذار جايز انا اللي ضايقني شويه النقطه اللي انت بتتكلم فيها انها اتعصبت اوي قدام الكل بس انا عارفه اني غلطت
ايمي…..اه وقلبت التربيزه خلتني انا اللي طاعت غلطانه
ليله….بضحك اهي قالتك
رشيد….بضحك انتي معترفه طب كدبيها
ايمي…..بضحك لا ما انا حفظاها وهي عارفه اني حفظاها
ليله….عموما حصل خير و انا ياستي اللي بقولك حقك عليا و متزعليش
وحبيبي اللي كل الجبنه متزعلش
عشري….بضحكه جميله مش زعلان يا ستي
ايمي….علي فكره بقي انتي كنتي مزعلاه وهو عايز يعرف فيكي ايه واتصل علي نعيمه و انا كلمتوا عشان كانت عندي هي و نادين
ليله…..اااااه يعني ايمي اللي عرفتك
