لقاء كارثي
لقاء كارثي
الكل بيزغرط لسه و اللي مباركش بيبارك علا و شادي باركولهم من قلبهم رشيد و عشري كانوا فرحانين اوي و واقفين جنب حسان مش سايبينه
سلامه كان قاعد جنب الماذون بيجهز هو كمان
بعد وقت بسيط و دوشه كتير و ضحك و زغاريط رجعوا تاني سكتوا و الجو هدي حسان كان واقف و مشبك كفه في كف سلمي كأنه بيقول خلاص بقت مراتي
قعدت ايه و هي متاخده و لسه متأثره ساكته و ملامحها مش متفسره اذا كانت حزينه او مبسوطه
بصلها سلامه وابتسم و همسلها
سلامه….جاهزه يا قلبي ولا عايزه تغيري رأيك
ابتسمت ايه بهدوء و منطقتش
مدلها كفه مسكت في ايده اوي ابتسم و ضغط علي كفها .
الاماكن اتبدلت بقي سعيد والد سلامه ميدو واقف وراء سلامه هو ومصطفي حنان واقفه في ضهر ايه
و جنب احمد عادل و حماده و تامر في ضهر ابوه و زوزو واميمه وقمر ونجلاء واقفين جنب حنان حوالين ايه كانهم بيعوضوها عن امها وابوها
الماذون…..سمعونا الفاتحه يا جماعه
الكل سكت و بدأوا يقراوا الفاتحه
و بعد ما خلصوا رجع تاني الماذون كرر نفس البدايه او المقدمه اللي بيبدا بيها كتب الكتاب
الكل كان سامع الخطبه البسيطه اللي بيلقيها عليهم
وبعد ما خلص بص للجميع
الماذون….نحضر جميعاً اليوم في هذا المجلس الطيب المبارك عقد نكاح وزواج الانسه ايه عمرو محمد مهدي
علي السيد محمد سعيد سلامه محمد وفق الله الزوجين و جمع بينهم في خير .
يمكن الكلام اللي كان بيتكرر واحد لكن مشاعر كل كتب كتاب فيهم كانت مختلفه
مشاعر احمد مع سلمي كانت مشاعر فرحه و حزن بسيط ان بنته الكبيره خلاص هتروح بيت جوزها لكن مشاعره مع ايه كان فيها نوع من الصدمه اللي بيحاول يهرب منها ان ايه مش بنته و نفس المشاعر كانت عند أيه كانت متاخده و مخطوفه و بتواجه حقيقه ديماً نسياها ان الراجل ده مش ابوها..
المأذون….قول ورايا يا استاذ احمد الحمد لله رب العالمين
بص احمد لسلامه و بعدين بص لايه بحزن فظيع و جع قلب كل اللي موجود ستات ورجاله
سلمي كانت واقفه جنب حسان دموعها بتجري و البنات اللي كانوا بيحاولوا يسكتوها هي وايه المرادي بقت دموعهم نازله في صمت زيهم لانهم عارفين كويس المشاعر اللي احمد و ايه حاسين بيها ..
احمد…بصوت مخنوق و متقطع الحمد لله رب العالمين
الماذون…والصلاه والسلام علي النبي الامين
احمد….والصلاه والسلام علي النبي الامين
