لقاء كارثي
لقاء كارثي
ليله….بضحك تروق علي مين طب صلي علي النبي انا اروق علي بلد
بصلها وابتسم بغيظ بس نظرته ليها كلها حب
عشري……هنشوف
ليله….هنشوف انت بتهددني
عشري…..فتح التابلوه و طلع الس*لاح وحطوا جنب راسها انا مش بهدد انا بنفذ و حطي لسانك في بوئك بقي عشان منكدش عليكي
ليله….بضحك نهارك اسود انت بترفع عليا الس*لاح
عشري…..بابتسامه تجنن غمزلها مالك قلبتي قطه ليه ؟
ليله……قطه في عينك يا بلطجي عليك و علي س*لاحك انت فاكر حتت الحديده دي هتخوفني
عشري….هي خوفتك فعلا
ليله….لا يا رخم بس اتخضيت و عموما دوس عالزناد لو تقدر تعملها
بصلها بحب و حط الس*لاح في التابلوه وقفله تاني
ليله….بابتسامه مالك قلبت قطه ليه
عشري…..يا بت متبقيش مستفزه
ليله….بضحك انا جيت جنبك
عشري….متقدريش
ليله….اللهم طولك يا روح طالبه معاك نكش و انا دماغي قد كده مش رايقه
عشري….اه ما هو واضح من امبارح بس علي فكره كنتي تقدري تقولي انك شاده مع ايمي بدل قلة الادب
بصتلوا بصدمه و ابتسمت بهدوء و هي بتضيق عينها
ليله….وانت ايش عرفك اني شديت مع ايمي
عشري….مش مهم حسيت
ليله….حسيت ايه انت هتصيع عليا يا بلطجي مين اللي قالك
عشري….ملكيش دعوه هو انا امبارح لما سالتك مالك قولتيلي ؟ عادي بقي عرفت من غيرك
ليله….و الله انت عارف كويس ان لما بيكون عندي مشكله مع البنات مش بعرفك انا كمان مش بتدخل بينك و بين صحابك
عشري…..ومين قالك اني اتدخلت انا اصلا مكنتش عارف انتي مالك قبلها بكام ساعه كنتي عامله فيا مقلب و بتضحكي و مبسوطه رجعت لاقيتك مش تمام فا طبيعي اسالك مالك و اعرف فيكي ايه و اكيد مش طالب تحكيلي حاجه خاصه بيكي او حاجه انتي مش حابه تحكيها بس علي الاقل كنتي قولتي شاده شويه مع ايمي او مع حد من البنات عموما كنت هعرف سبب الحاله دي و هسكت انما انتي معملتيش كده اتعصبتي و عليتي صوتك
ليله…..عشان قولتلك اكتر من مره مفيش
عشري…..قولي زي ما تقولي هفضل أسال لحد ما اعرف فيكي ايه لأني مش الشخص اللي يشوف مراته مضايقه و يقول يسيبها عندها مشكله انا لازم اعرف ايه نوع المشكله اللي مضيقاكي دي و بعدها بقي اقرر اتدخل ولا مشكله بين صحابك او اخواتك و اخرج نفسي منها هتبقي مبسوطه لو شوفتك مضايقه و كبرت دماغي و لا ساعتها هتشوفي اني مش مهتم بيكي و باي حاجه تضايقك انتي نفسك عادي هتشوفيني مضايق و تسكتي ما يوم ما قفشت انا و فضل عملت زيك و سكت عشان اللي بيني و بين فصل و بيني و بين الشباب مش بحب اتكلم فيه زيك بالظبط
