لقاء كارثي

…………

ايمي و ليله كانوا في الاوضه بيشربوا سجاير

ايمي……لذيذه اوي علا حساها مش خبيثه

ليله….خالص ذوق اوي بصراحه و شكلها بتحب سلمي

ايمي…..هنا كمان متعلقه بسلمي و ايه و حمودي اوي

ليله…..اه جدا ربنا يحميها يارب

ايمي….بس بقولك ايه شوفتي نوني انا حساها اتبدلت 360 درجه مش دي نوني اللي كانت لسه عماله تقول لسلمي وانتي ومالك ومال بنت حسان

ليله…. نعيمه اتغيرت جدا في حجات كتير و التغيير حلو بجد و ظاهر هي كانت محتاجه الاستراحه اللي خدتها دي

ايمي….دي حقيقه و بجد فرحانه ليها من قلبي و خدي بالك حتي فضل حساه متغير يعني متعلق بنوني اكتر ودي حاجه بسطاني بجد انا عارفه انه كان بيحبها بس الوقت حبه ظاهر

ليله…..اوقات يا ايمي بنحتاج استراحه محارب من اي علاقه في حياتنا عشان نعرف نكمل فيها ولا لا و علي قد ما كنت مضايقه ان نعيمه بعيد عننا و مضايقه عشان اللي حاصل بينهم ده بس الخطوه دي فوقت الاتنين

ايمي…..دي حقيقه المهم انهم مع بعض و مبسوطين

ليله……الحمد لله ايمي حمودي نظراته هتقتلني بجد

ايمي….اسكتي عشان انا علي تكه زوزو بتقولي كان بيكلم حماده و بيقولوا انا مش متخيل ارجع البيت يوم فرحهم و ميرجعوش معايا حاسس اني همو*ت من غيرهم

ليله….بتأثر بعد الشر عليه تصدقي بالله انا بدات اندم اننا شجعنا حسان و سلامه انهم يتجوزوا مع بعض بيتهيألي كانت هتبقي اخف عليه كتير لو واحده فيهم اتجوزت و التانيه استنت شويه

ايمي….نفخت الدخان بهدوء مكانش ينفع يا ليله انتي عارفه اللي فيها سلامه مكانش هيرتاح لو سلمي اتجوزت قبل ايه

ليله….عارفه طبعا انا بس صعبان عليا حمودي

ايمي…..تفتكري تامر ايه ظروفه

ليله….بتنهيده معرفش بس انا حاسه ان تامر شال الموضوع من راسه او بمعني اصح فاق يعني سلمي حكتلنا الكلام اللي دار بينه وبين سلامه لما سمعهم مستحيل تامر يخون ثقه سلامه لان سلامه عمل مع تامر حاجه مش اي راجل يقدر يعملها و بصراحه رغم ان سلمي بيهزر ويبان مجنون بس يمكن بحس عقله كبير و من اجدع و اقوي الرجاله الي شوفتهم في حياتي

ايمي…..دي حقيقه سلامه ابن بلد و فاهم الدنيا ماشيه ازاي شقي وتعب واتمرمط وشاف كتير و اكيد ليه نظره يعني تامر بصراحه متربي و مؤدب و محترم و اكيد سلامه لمس حاجه زي دي فيه والا مهما كان قوي و جدع مكانش هيتحمل لو مش واثق فيه