لقاء كارثي

نادين…مبروك لسلامه و ريهام

سعيد…الله يبارك فيكي يا بنتي عقبال ما افرح بيكي انتي وميدو

نادين…ميرسي اوي

سلامه….يلا خليكم مع عرايسكم

سلامه….تامر قعد عم سعيد جنب حمودي

تامر….تعالي يا عم سعيد اتفضل

راح سعيد بعد ما سلم عليهم

سلامه بص لايه و ضحك وباس كفها و بعدين راح بعيد مع الشباب

وبدأ البنات ياخدوا نفسهم ارتاحوا و الكسوف راح شويه

وتامر تقريباً لقي اللي بيدور عليه
اخيراً لمح نغم كان مبتسم بهدوء و هي كمان مبتسمه

كل شويه يبعدوا عينهم عن بعض و شويه و حد فيهم يسرق نظره واول ما يلاقي التاني باصص عليه يبعد عينه بسرعه و الاخص نغم كانت بسرعه بتبعد عينها و بتتوتر لما تامر يبصلها و يفضل مركز في عينها شويه و يبتسم مكانتش بتقدر تبصلوا اكتر من ثانيه نظره سريعه و تبعد

كمان كان في حاله جميله بين كل كابلز و التاني نظرات غمزات دلع شقاوه همسات شفايف من بعيد و ضحك وبوسه طايره في الخباثه

رجعت الاغاني اشتغلت تاني و الشباب كانوا واخدين جنب البنات جنب و الكبار مع بعضهم جنب

مصطفي قرب من ريهام و ليله و البنات

مصطفي….عيني عليكم هتدخلوا القفص برجلكم فكروا المأذون جاي

ليله….بضحك ايه يا مصيبه مالك ومالهم

مصطفي….بنصحهم يا ليله

ايمي…..انت مش ناوي تتلم و تتجوز انت كمان

مصطفي…..هاتيلي عروسه يا ايمي انا حاولت كتير وفشلت

ايمي….ليه البنات مش بتشوف ولا ايه

مصطفي…..بضحك ماهما معاهم حق دي خلقه تتشاف

ضحكوا كلهم علي مصطفي

نعيمه…..انت بتوقف سوقك ما انت قمر يا صاصا اهو

مصطفي….الله يسترك يارب

ليله…..بضحك والله يا مصطفي يا بخت اللي هتكون من نصيبك و مش مجامله بجد يا بختها

مصطفي…..كفايه انه ده رايك فيا يا لولي والله

ليله….انت عارف انت حبيبي و مش بطبلك والله

ايمي…..والله يا مصطفي لو كنت اتجوزت من زمان و ربنا رزقني ببنت مكنتش هسيبك و كنت هاجي اخطبك بنفسي

مصطفي…..حبيبتي يا ايمي والله انتي ايه صحيح مش ناويه تولدي بقي

ايمي…..بضحك بقيت بلونه صح

مصطفي….بضحك لا والله زي القمر بس حاسس انك حامل بقالك قرن

ايمي….قرن ايه يا واد انا في اربع شهور ونص بس هما عشان تلاته تحس اني هولد

مصطفي….بصحك الله اكبر برنا يحميهم و يحفظهم وتقومي بالسلامه و خدي بالك الحلو بتاع السبوع هيبقي عليا