لقاء كارثي
لقاء كارثي
ليله….تعالي يا علا اتفضلي
دخلوا جوه سلموا عليها باقي البنات و اتعرفوا عليها و بعدين قعدت و سلمي قعدت جنبها
علا…… ايه القمر يا ده يا سلمي
سلمي….بابتسامه حبيبتي يا علا انتي اللي قمر والله كنت فكراكي مش هتيجي
علا…لا ازاي يعني معقول مجيش فرحك انتي و حسان انا والله مبسوطه اوي عشانكم
سلمي….يا عمري تسلمي فين داليدا مجيبتهاش ليه
علا…..مع مامي و الناني بتاعتها
سلمي…طيب ليه مجيبتيهاش مشوفتهاش من بعد ما اتولدت
علا…. بضحكه جميله بقت مجرمه و بقت زنانه خالص يا سلمي مصدقت بصراحه الاقي مناسبه اخرج فيها براحتي و هربت منها
سلمي…..بضحك لحقتي تهربي
علا….عايزه اقولك اني تقريباً مش بخرج من بعد ما ولدتها غير للنادي بس عشان تمارين هنا غير كده والله محبوسه بمعني الكلمه مش بخرج ولا بروح ولا باجي اينعم الناني بصراحه مريحاني و مامي كمان بس هي بتزن كتير و بصراحه مش بقدر اسيبها قلبي بيوجعني بس المرادي لا بقي سيبتها
سلمي….بضحك بيعتي القض*يه يعني
علا….بضحك بيعتها خالص و مصدقت كمان
سلمي….طيب طمنيني عليكي بقيتي احسن صح
علا….اه الحمد لله خلاص بقي فوقت
سلمي….بابتسامه طب ايه مش ناويه تيجبي الثالث بسمع يعني ان الست اول ما بتتحسن بتفكر تاني في الحمل
علا…..حرام عليكي يا سلمي هما صحيح حلوين بس بجد متعبين اوي و انا تعبت خالص في داليدا انتي عارفه اللي حصلي بعد ولادتها و في حملها لا لا مش قادره افكر اني اعيد التجربه تاني
سلمي….طيب سنتين كمان و نجيب اخر واحد
علا….بضحك اوعدك البيبي التاني ليكي ابقي افكر و احمل معاكي
تكون داليدا شدت حيلها ودخلت المدرسه
سلمي…بضحك خلاص اتفقنا هنون عامله معاها ايه
علا…..لااااا هنا خلاص بقت مامي
سلمي….بضحك مش قولتلك كنتي خايفه تغير منها
علا….انا كنت مرعوبه مش خايفه لان هنا كانت واخده الدلع والاهتمام كله و غصب عنك لما بتجيبي بيبي تاني كل حاجه بتتقسم علي اتنين بس بصراحه لا خالص هنا جميله و بتحبها و بتريحني يعني لو بعمل اي حاجه بحطها في السرير بتاعها وهنا تفضل جنبها و هي اصلا حابه الموضوع جدا
سلمي…..يا عمري ربنا يحميها و يخليهم لبعض و تفضل حنينه عليها علي طول
علا…يارب يا لومي و افرح بيكي بس جيبيلهم انتي اخ بقي
سلمي….بابتسامه ان شاء الله بس انتي كمان المره الجايه تجيبلهم اخ
