لقاء كارثي
لقاء كارثي
ايمي…..بترغوا في ايه
نجلاء….ايه يابت القمر ده الله اكبر عليكي ربنا يقومك بالسلامه
ايمي….دعواتك بقي يا نوجا في الحرم
نجلاء….بس كده عيوني اول واحده هدعيلها
مها….ربنا يقومك بالسلامه يا ايمي و يتقبل منك يا نوجا
نجلاء….ربنا يكتبهالك يارب يا مها
ايمي….قلبي يا ماهي عقبال البت تقي لما تخليكي جده
مها….بابتسامه يارب
ايمي…..بابتسامه ايه يا زوزو مش ناويه تروحي معاهم العمره
رنه نعيمه الضحكه و ليله ضحكت هي كمان بصوت عالي و كلهم ماتوا من الضحك
ماريز….. بضحك يابت انتي مش هتعقلي الناس بتكبر تعقل دي بتكبر تخيب
ايمي….بضحك الله الحق عليا عيزاكي تروحي صحبه عند النبي مع نوجا
اميمه….بضحك يخربيت لسانك
قمر…..بضحك انتي سكتالها ليه يا زوزو
نعيمه….بضحك ماسكه عليها وصلات امانه
ماريز….هي عرفاني هقوم اجيبها من شعرها
نجلاء….بضحك مش قادره والله ايمي مصيبه سيبيها في حالها بقي
ايمي…..الله عايزه افرحها زي ما بنتك فرحتك يا نوجا انزل كده اشتريلها لبس الاحرام و تسافر معاكم
مها……بضحك علي طول بتنكشيها كده
نجلاء……ربنا يفرحها و يفرحك يارب بس ملكيش دعوه بزوزو يا رخمه
ليله….نوجا ايه رايك في المفجاه صحيح
نعيمه…..نسمه الكلب حرقتها
نجلاء…. بضحكه جميله لا والله انا اللي اكتشفت لما لاقيت الدولاب مش زي ما انا برتبه و بصراحه اول ما سألتها و اتوترت عرفت ان في مصيبه و هي اعترفت علي طول
ليله….. بضحك نسمه بتفكرني بعاطف السكري
نعيمه….بالظبط والله من قبل اول قلم بتعترف
نجلاء….لا والله بس بعيداً عن اننا عرفنا هي برضوا احلي مفجأه ربنا يفرحها و يراضيها يارب
نعيمه….بحب قلبي يا نوجا انتي تستاهلي اكتر من كده
طبطبت نجلاء علي كفها بحب
نعيمه….. عارفه يا ليله لما ماما عرفت قالت لنسمه خلاص متعرفيش نعيمه عشان متزعلش و انا هعمل نفسي انا وابوكي منعرفش اتصلت بيا قالتلي نعيمه انا عملت مصيبه حصل كذا كذا كذا و ماما قالتلي مقولكيش و هتعمل نفسها متفجأه
ايمي….بضحك حافظه مش فاهمه دي مش عاطف السكر دي سلطان
ليله… بضحك بس عسل و الله هي مش خبيثه مبتعرفش تخبي
نجلاء ….لا خالص والله يا ليله و بيبان عليها اصلا طول ماهي متوتره بعرف ان هي عامله عامله
اميمه…..نسمه جميله و طيبه
