لقاء كارثي
لقاء كارثي
سلامه….بهمس حضنتك قدام الكل يا بومه اي خدمه
فضلت تعيط و هي ماسكه في هدومه
سلامه….خلاص عشان خاطري حمودي هيتعب يا ايه والله كفايه كده ماشي
هزت راسها بهدوء بعدها عنه مسك وشها بايده وباس راسها بحب
ثواني و رجعت الاجواء تاني و شغلوا اغاني خدتهم ليله وايمي جوه يظبطولهم الميكب اب
سكتوا ايه بالعافيه مسكتتش غير لما سلمي مسكت نفسها شويه وهديت و بدأت تهديها و بعدين ظبطولهم الميك اب
فتحت نادين الباب..
نادين…..ايمي بنات يلا عشان محمود هيلبس ريهام الشبكه
ايمي….جايين اهو خلصنا خلاص
نادين…طيب يلا متتأخروش
دقيقه وخرجوا هما الاربعه احمد كان واقف ابتسم بهدوء ليهم و قرب منهم باس راس ايه و باس راس سلمي
احمد…..مبروك يا حبايب قلبي
سلمي….الله يبارك فيك يا حبيبي
بصتلوا ايه بحزن
احمد….مش عايز عياط تاني ويلا اتبسطوا وروحوا يلا مع ريهام ومحمود
ايه…..انا بحبك اوي
احمد….بابتسامه جميله و انا مخلتيش غيركم احبه يا ايه ربنا يخليكم ليا
ايه…ويخليك لينا يارب باست كفه وضمتوا تاني
و بعدين سمعوا اغنيه يا دبله الخطوبه
الكل قرب من ريهام و محمود بدأت الاجواء تبقي سعيده شويه و بدا الكل يفك
طلع محمود علبه فيها خاتم شيك و قيم و يجنن فتحوا و لبسه لريهام كانت مكسوفه و باصه لاخواتها وهما واقفين جنبها صوت الزغاريط مالي المكان
لبستوا ريهام الدبله الزغاريط زادت قربت زوزو من ريهام ضمتها و فتحت علبه كبيره فيها طقم شيك اوي سلسله و انسيال و خاتم
كانت مبسوطه و مكسوفه و عماله تضحك
قرب منها حماده ابتسمت و ضمتوا اوي عيونها كانت مدمعه خالص و متلغبطه وكل شويه تبص لامها و لاخواتها زي الاطفال لبسها حماده عقد معمول بالدولارت فضلت تضحك و ضمتوا و بعدين سابها و قرب من سلمي
حماده…. بضحكه جميله و عروستنا الدكتوره القمر احلي عقد
لبسها هي كمان عقد معمول بالدولارت
ضحكت سلمي و ضمتوا اوب
سلمي…حبيبي يا حماده تسلملي
حماده…قرب من ايه و عروستنا حته من قلب ابوها هي كمان احلي عقد
ابتسمت ايه بتأثر و ضمتوا اوي لبسها حماده العقد
ايمي وامنيه كانوا جايبين لريهام انسيالات تجنن و شيك كلها دهب ابيض الحاله العامه رجعت تاني زي الاول و احسن
قرب سلامه من احمد باس راسه و ضموا تاني
احمد….مبروك يا حبيبي حطها في عينك دي امانتي و وصيتي ليك
