لقاء كارثي

المحامي…..باسم باشا استاذن بس حضرتك لو تكرمت تعرفني ايه اللي اتكتب في المحضر

الظابط…..بعد بنظره عن ليله و بص للمحامي هو المحضر لسه مخلصش بس لو حابب تعرف الوض واللي اتقال تمام احنا جالنا بلاغ ان في اشتباك في محل عمل الانسه ايه و انسه ايه قالت في المحضر ان جاسر اتواصل معاها بصفه شخصيه علي صفحه الشغل بتاعتها عشان ياخد معاد يودي الكلب عندها و اتفقوا علي المبلغ و استلمت منه الكلب في تمام الساعه سبعه و عشره و ادتلوا معاد الاستلام بعد ساعتين قالت كمان ان الكلب كان في حاله صحيه غير سليمه و بمجرد ما مشي بكام دقيقه هي خدت الكلب علي مكان التنضيف و قبل عمليه الاستحمام الكلب مات و ده نفس الكلام اللي اتقال من الاساتذه اللي كانوا موجودين معاها والدها و خطيبها

اما جاسر مأنكرش اللي حصل قال انه فعلا اتواصل معاها و اتفقوا علي السعر وراح سلمها الكلب و اتصلت بيه بعد حوالي ساعه من موت الكلب

جاسر بيتهمها بموت الكلب و هي بتتهمه ان الكلب جاي اصلا مسموم
و بتتهمه كمان بانه بدأ بالاعتداء عليها و كان معاه صحابه و دول مكانوش معاه في الاول و هو بيتهمها ان هي كمان كانت مجهزه نفسها و جايبه ناس معاها في اربعه غير والدها وخطيبها و ده يثبت ان جاسر معاه حق هي كانت ناويه علي الاعتداء و كمان انسه ايه بتقول ان الكلب مات بعد ما جاسر مشي بدقايق طيب ليه استنت و اتصلت بعدها بساعه و ادينا لسه بنكمل المحضر اي سؤال تاني يا متر

المحامي…..بهدوء لا خالص اتفضل كمل.

رجع تاني الظابط بنظره علي ليله و سألها السؤال اللي كان هيموت و يسأله

الظابط….مين حضرتك ؟

بصت ليله بنظره ابتسامه شرسه لجاسر اللي اتأكدت ان هو خلاص و بعدين بصت بهدوء و هي لسه علي نفس ابتسامتها.

ليله…..ليله كامل المارديني صاحبة أيه او تقدر تقول اختها

ابتسم الظابط بهدوء

الظابط….و حضرتك بقي يا استاذه ليله كنتي موجوده وقت اللي حصل

ليله…..لا

الظابط….طيب وجودك هنا بصفتك ايه؟ عشان صاحبتها يعني

ليله….تقدر تقول ان اللي حاصل ده كله بسببي

الظابط…..مش فاهم ممكن توضحي

ليله…..اوي اوي الشخص اللي قدامك ده و هو وصحابه اللي اتهجموا علي ايه في مكان شغلها عمل كده بتحريض من واحده كل هدفها تأذيني في اللي مني من الاخر يعني مشكلتها معايا مش مع ايه هي بس عايزه توجعني مش اكتر