لقاء كارثي

و بعد صمت دام فتره لليله خدت نفس بهدوء و بعدت عن الحيطه

ليله…..ايه مش هتقعد هنا لحظه يا سلامه و لا اي واحد فيكم و اللي هيفضل هنا الشباب اللي اتهجموا عليكم و كل حاجه قولتوها و عايزين تثبتوها هتتعمل خليك واثق فيا يا سلامه الموضوع ده هيخلص و الوقت عشان كده كتير طول وبوخ اوي

عشري…..انتي رايحه فين ؟

ليله…..انا هدخل جوه شويه

عشري….جوه فين يا ليله انتي فاكره نفسك محامي و بعدين انتي مكنتيش موجوده يعني لا كلامك ولا كلامنا هيتاخد بيه

ليله……هيتاخد بيه يا عشري و عشان خاطري سيبوني انا احل الموضوع ده

ايمي….ليله الوس ايدك الموضوع ده مش محتاج عصبيه او طولة لسان زي ما سمعتي اللي اتقال الظابط منحاز للشباب

ليله…..متقلقيش انتي مش بتثقي فيا ؟

دخل اخواته في الوقت ده و معاهم المحامي ..

قرب علي و عمر منهم سلموا علي احمد و المحامي فهم منهم بسرعه الموقف و بعدين قال للعسكري انه عايز يشوف الظابط و ليله صممت تدخل معاه..

دخل العسكري بلغ الظابط بوجود المحامي و انه عايز يقابله الظابط قالوا يدخل.

دخل المحامي و دخلت معاه ليله

ايه….بهمس و دموع ليله

قربت ليله بهدوء منها و مسكت ايدها.

ليله….بهمس مشوفش دموعك انتي فاهمه

ايه…..معملتش حاجه والله

ليله…..عارفه و مش عيزاكي تخافي و هتخرجي من هنا

المحامي….مساء الخير يا افندم انا سامح عبد العظيم محامي الاستاذه ايه و شكراً ان حضرتك سمحتلي بالدخول لمتابعه الاجراءات طبقاً للقانون و دون اي تدخل في سير العمل

هز الظابط راسه بهدوء وشاور علي الكرسي

الظابط…اتفضل ارتاح يا استاذ سامح

من اول ما دخلت ليله و هي عينها علي الشباب اللي كانوا واقفين جاسر واتنين من صحابه و دول اللي ايه قالت انهم هما اللي دخلوا معاه في الاول و بدأوا الاعتداء معاه في البدايه.

فضلت تجيبهم من فوق لتحت و هي بتخمن ياتري مين فيهم صاحب الكلب و اللي عمل الحوار و هو ده اللي كان يهمها لان هو ده اللي اكيد اتعامل مع مريم واتفق معاها فضلت تبص عليهم بهدوء و بثقه و قدرت تخمن مين هو جاسر من نظراته المرتبكه ليها .

لكن مش نظرات ليله بس اللي كانت علي الشباب الظابط من اول ما دخلوا و ليله لفتت نظره جامد لدرجه انه معرفش يبعد عينه عنها خالص من الاخر عجبته و عجبه دخلتها و استغرب اصلا وجودها و وقفتها بالثقه دي فا حب انه يفهم
لكن قبل ما يسأل ليله السؤال اللي كان عايزه قاطعه المحامي