لقاء كارثي

رشيد….جايه ازاي خرجت

عشري….اه ليله بتقولي مقدرتش

فضل….بقولك ايه ابوس ايدك انت كمان ملكش دعوه بيها و بلاش تنكدوا علي بعض انت عارف كويس انهم ادام عارفين ان ايه في مشكله محدش فيهم هيستني

سكت رشيد و خد نفس طويل بغضب و في نفس الوقت كان خايف عليها مسك موبايله واتصل عليها.
رن شويه و بعدين ردت

ايمي….ايوه يا رشيد

رشيد…..عملتب اللي في دماغك بردوا وخرجتي صح

ايمي…..بهدوء رشيد انت عارف اني مش هقدر و لو قلقان عليا لو قعدت علي اعصابي في البيت هتقلق عليا اكتر فا ابوس ايدك مش وقته اي كلام خلينا نشوف المصيبه اللي احنا فيها

رشيد….ماشي يا ايمي اوامرك طيب سيبتي چوي لوحدها يا ايمي

ايمي….اكيد لا طبعاً معايا هعديها علي ماما قبل ما اروح

رشيد….تمام يا ايمي علي مهلك لو سمحت بس

ايمي….حاضر يا رشيد يلا باي

رشيد….باي

………..

بعد ما ليله قفلت مع عشري اتصلت علي الظابط بتاع التجمع حسين اللي كان معاهم وقت مشكله نادين و هادي..

رن لحد الاخر و مردش سابت الموبايل وهي عماله تفكر تعمل ايه كانت محروجه تتصل تاني يكون اجازه وفي بيته او يكون مشغول مكانتش عارفه تعمل ايه قررت انها تستني تروح الاول تفهم اللي حصل و تطمن علي ايه و الشباب و تتصل تاني عليه بكره او تحاول تتصل علي اي حد من معارفها و في وسط تفكيرها لقت موبايلها بيرن برقم الظابط اتنهدت براحه و ردت بسرعه.

ليله….الووو

حسين…..الووو اهلا هلا بالاستاذه ليله

ليله….بابتسامه و هي عينها علي المرايات بتراقب اهلا بحضرتك يا باشا اخبار سيادتك ايه

حسين…..زي الفل والله طمنيني عليكي انتي

ليله…..الحمد لله بخير و اسفه لو اتصلت في وقت مش مناسب

حسين….لا خالص انا كنت بره المكتب و ملحقتش ارد

ليله…..طيب كويس هو حضرتك يا باشا سهران ولا ماشي

حسين….لا انا عندي شغل في المكتب ايه خير عايزه تحبسي خطيبك تاني

ليله….بابتسامه لسه فاكر يا باشا طيب مبدأباً انا بعتذر عن اللي حصل ده

حسين….بضحك لا متعتذريش يا ستي اعتذارك وصل من زمان خير في حاجه

ليله…..بصراحه انا عندي مشكله كده و محدش هيعرفني اتصرف ازاي غيرك يا باشا فا كنت محتاجه اتكلم مع حضرتك شويه لو وقتك يسمح

حسين…..طيب تمام عايزه تقولي في التليفون ولا تيجي

ليله….هو بصراحه الموضوع مينفعش في التليفون