لقاء كارثي

نعيمه……عشان هما كمان فهموني غلط

فضل….صح انتي كل الناس فهماكي غلط كلنا ظالمينك مش كده

نعيمه……فضل بطل طريقتك دي و بلاش تحسسني اني غلطت في اللي قولتوا

فضل……هو انا مش اتكلمت معاكي يا نعيمه و قولتلك مندخلش نفسنا في اي مشاكل الوضع مش متحمل ضغط من اي حد و انتي عملتي ايه مقدرتيش تسكتي غير لما تخرجي الكلمتين اللي جواكي خليتي عشري واقف عامل زي العيل الصغير اللي مش عارف يرفع عينه في عين اي حد فينا مش كفايه انه حاسس بالذنب و حاطت الحوار كله علي ضهره لا نحسسه بالذنب اكتر نخليه واقف مش عارف يقول كلمتين علي بعض حتي اخواته اتحرجوا

نعيمه….انا مجتش جنب عشري ولا جنب اخواته ولا حملت حد الذنب انا كل الحكايه اني قولت منتصالحش عشان حق ايه ميضيعش يا فضل

فضل….ومين فينا هيضيع حق ايه يا نعيمه انتي متخيله اننا هنعدي اللي حصل بس طريقتك دي هتزود حمل عشري و هتخلي غضبه من مريم يزيد عشري كان واقف قليل الحيله و اول مره اشوفوا كده و اللي جواه ده انا واثق انه بس لو عرف مكان مريم هيقتلها و يودي نفسه في داهيه كان لازم كلنا نهون الموقف شويه عليه و علي نفسنا مش نزود

نعيمه…..وانا اللي زودت صح يا فضل

فضل…..اه يا نعيمه اكدب لا مش هكدب حتي لو بتقوليها بقصد تاني بس مكانش وقتها خالص الكل علي اعصابه و المكان مش مناسب عشري واقف باصص للشباب مخنوق من الحاله اللي هنا فيها محروج مش والد ايه الراجل كبير واتبهدل في الاقسام و ايه جوه مع الظابط في القسم و كان في احتمال انها تتحجز و مكسوف من سلامه و بيحاول يتلاشي ليله لانه عارف انها هتتجنن علي ايه و وضعها اصلا مش متحمل ضغط اكتر من كده حتي رشيد مضايق من ايمي و كان خايف عليها بس هي ضممت وخرجت و جات عارف انه غصب عنها وفي نفس الوقت مش قادر ينطق خايف تقولوا بسبب صاحبك صحابي بيتبهدلوا قولتلك يا نعيمه احنا بقينا زي الشبكه كلنا مرتبطين ببعض و عشان نخرج من مشاكل الشبكه دي يا نقول كلمه حلوه تخدي الموقف و تهون علي باقي الشبكه يا نسكت و طبعا لا حياة لمن تنادي مفيش فايده لو مقولتيش اللي جواكي هتموتي

نعيمه….يعني انا اللي طلعت غلطانه في الاخر تمام يا فضل انا يا سيدي اسفه ليك وليهم واوعدك مش هنطق تاني ادام كلامي بيعمل مشاكل

فضل……اتمني يا نعيمه لان كلامك حتي لو صح بيتقال بطريقه غلط