لقاء كارثي

ايمي….احنا بلغنا و طلبنا إثبات حالة طلبنا تفريغ كاميرات أكتر من كده إيه؟

تامر…ولا حاجة احنا ماشيين صح. القانون في صف اللي ثابت وهادي مش اللي صوته عالي.

سلامه….انا مش هتنازل ولو استمر الانحياز من حقنا نطلب عرضنا فوراً على النيابة أو نطلب حضور محامي قبل أي إجراء ده في مصلحتنا اصلاً ودي مش خناقة دي حقوق قانونية.

عشري…..محدش يتنازل و ده بعد اذنك يا عمي انا عارف كويس انك مش حابب البهدله ولا حابب الحوار كله من الاساس بس زي ما كلكم قولتوا الظابط منحاز و العيال مصممين و عايزين الحوار يخلص بصلح وفي نقطه لازم ناخد بالنا منها لو ده حصل مش هنستفاد حاجه هما بيضغطوا علينا عشان هما مش حابين انهم ينزلوا حجز ولا الموضوع يكبر و يتبهدلوا لان هما فاهمين كويس ان الموضوع لابس فيهم و عايزين يخلعوا بهدوء بس لو اتنازلنا احنا اللي هنخسر حبسهم وعرضهم علي النيابه في صالحنا احنا لان العيال دي هتنطق و تقول مين اللي وراها غير كده غيرجوا ومش هنعرف و الموضوع هيتقفل و مش هنقدر نثبت ان ده تحريض لان مفيش دليل بس النيابه هتقدر تجيب الدليل اللي ظابط بيحاول يتجاهلوا و كمان الضغط عليهم هيخليهم يعترفوا و نخلص من كل الحوار ده للابد و متقلقش اخواتي جايين في الطريق و معاهم محامي
و محدش هيفضل فيكم هنا

احمد….خلاص محدش يتنازل وكل طلب طلبناه يتكتب في المحضر بس انا مش عايز أيه تتبهدل متنسوش ان أيه اول طرف في المشكله يعني و جودها هنا هيبقي قبلنا الولد متهمها ان هي اللي موتت الكلب واكيد لو فضلنا مصممين علي اللي في دماغنا أيه هتفضل في الحجز فاهم يا عشري سبب رفضي.

عسال….مش هيحصل يا عمي مش هتقعد

سلامه…..مش هتفضل هنا لو علي جثتي حتي لو اضطريت اقول ان انا اللي موت الكلب

رشيد….بطل هبل ياض عايز تعترف بحاجه معملتهاش عشان المصيبه تكبر محدش فيكم هيفضل هنا لا ايه ولا انتوا

عشري…..سلامه مش عايز عبط اللي اتقال في المحضر هو اللي حصل متغيرش لي كلامك و تقوي موقفهم أيه مش هتفضل هنا ولا انتوا و المحامي جاي الوقت و هو هيتصرف

تامر…..عايز تعترف بأيه انت كمان فكرك كده يعني ايه هتبقي مبسوطه دي هتبقي قضيه يا سلامه ركز كده وبلاش العصبيه تخليك تقول كلام انت مش مقدر صعوبته

احمد….اهدا با ابني انا مش بقول كده عشان تدخل تودي نفسك في داهيه زي ما ايه تهمني انتوا كلكم تهموني احنا صحاب حق انا لو بتكلم بتكلم بس عشان انحياز الظابط الواضح و بحاول افهم عشري