لقاء كارثي

دخلت ليله بهدوء و هي علي ملامحها ابتسامه انتصار تجنن هضوصا لما لمحت الظابط مش علي بعضه و اقل من خمس ثواني كان في ضهرها نائب المأمور اللي هو رئيس المباحث المسؤول عن العمل الجنائي اول ما الظابط شافه قام وقف باحترام.

ايه وسلامه بصوا لليله و هزوا راسهم بمعني في ايه ابتسمت ليله و هزت راسها ليلهم

رئيس المباحث ….عملت اللي قولتلك عليه

الظابط ….تمام يا فندم

رئيس المباحث….تخلص كل حاجه و تنزل العيال دي فورا علي الحجز و بعد ما تخلص المحضر تجيبوا وتيجي علي المكتب

الظابط….تحت امرك يا باشا

خرج رئيس المباحث ثواني و دخل اتنين عساكر

الظابط…..خدهم علي تحت

جاسر….باسم باشا انا معملتش حاجه

الظابط……معاه يا باسم علي تحت الوقت

بصلوا باسم و بعدين بص لليله و خرج هو و صحابه مع العساكر

بصت ليله للظابط بابتسامه

الظابط…..المحضر قدامك يا متر بص عليه و شوف كل التفاصيل اللي اتذكرت مكتوبه ولا لا و حضراتكم اتفضلوا امضولي هنا

قرب سلامه مضي و بعدين ايه

بص الظابط لليله و ابتسم بهدوء وقام راح وقف قدامها و طبعاً سلامه كان عينه معاهم

الظابط……لا براڤو كنت مستغرب القوه اللي انتي فيها دي جايه منين طلع وراكي ضهر تقيل و بدل التليفون جالي تلاته

ليله…..بابتسامه مش قولتلك اللي معاه ربنا مبيغلبش الحق صوته عالي بردوا مش بيقولوا كده

الظابط…..بيقولوا المهم اي أوامر تانيه تحبي اسيبلك مكتبي و تقعدي بدالي

ليله……بابتسامه مش للدرجادي يا باشا العفو مكانك محفوظ بس اتمني تحافظ عليه و تبقي تشوف شغلك كويس و بعدين انا مليش في القانون

الظابط…..ضحك و بصلها اوعدك اخد بالنصيحة دي بس من ناحيه ملكيش في القانون فا اشك ده انتي طلعتي استاذه

ليله……قولتلك يا باشا مش لازم ادرس قانون عشان اعرف حقوقي

قرب سلامه منهم

سلامه….ااااا احمممم طيب يا باشا مضينا و خلصنا في اي حاجه تاني مطلوبه مننا

المحامي……قام وقف وانا كمان شوفت المحضر كله تمام

الظابط…..طيب كويس بص لسلامه معلش بقي عطلانكم كتير و عارف انك مستعجل

سلامه……لا خالص يا باشا معاك للصبح لو عايز بس معلش بقي اصل جوز الاستاذه ليله واقف بره و اتعطل كتير

بص الظابط لليله بسرعه و سكت
ابتسمت ليله غصب عنها و فهمت ان سلامه شك في الظابط و غار علي عشري