لقاء كارثي
لقاء كارثي
حسين….خلاص تعالي انا في المكتب
ليله….تمام بس ممكن اكون عند حضرتك بعد ساعه بعني عندي مشوار لحد قسم مدينتي
حسين….بضحك ايه انتي عامله مشاكل في كل الاقسام ولا ايه يا ليله
ليله….بابتسامه خالص والله يا باشا بس في مشكله حصلت كده مع ايه صاحبتنا اللي عندها محل الكلاب
حسين…..اه عارفها طيب قوليلي محتاجه اي حاجه كل اللي في مدينتي حبايبي
ليله….والله يا باشا انا لحد الوقت مروحتش و مش عارفه الوضع ايه لسه
حسين….خلاص روحي و اطمني و انا موجود
ليله….ميرسي جدا يا حسين باشا تاعبينك معانا ديما
حسين…..متقوليش كده يا ليله انا اخوكم الكبير و انتوا بنات زي الفل اي حاجه انا معاكم خلصي و تعالي انا مستنيكي
ليله….تمام يا باشا بجد شكراً و هسيبك الوقت عشان معطلكش
حسين….تمام يا ليله مع السلامه
ليله…..سلام.
…………..
قفلت ليله و اتصلت علي ايمي
ايمي….ايه يا قلبي
ليله….انتي فين ؟
ايمي…..متقلقيش انا عشر دقايق بالكتير و اوصل عند زوزو هسيب چوي و بامر الله خمس دقايق و اكون في القسم انتي فين اتحركتي
ليله….اه انا في الطريق
ايمي….كلمتي عشري طمنتيه
ليله….اه كله تمام المهم قوليلي في حد وراكي يا ايمي في اي عربيه ماشيه وراكي من اول ما طلعتي
ايمي…الطريق زي الفل و مفيش حد ورايا عربيات عاديه و متقلقيش خالص عليا
ليله….طيب ماشي انا هفضل معاكي بردوا سيبي الموبايل وافتحي الاسبيكر عشان تعرفي تسوقي
ايمي….انا لابسه الايربودز متقلقيش
ليله…..طيب طمنيني انتي كويسه حاسه باي تعب او اي حاجه
ايمي…..زي الفل والله العظيم بطلي قلق انتي انا بخير
ليله….طيب الحمد لله .
……………
عند حسان وصل تحت بيت علا و شادي اتصل علي شادي و عرفوا انه وصل و قالوا يفتح الباب حسان كان متعور في جبهته و في كف من عند صوابعه و في دم نازل و معلم
قفل مع شادي و ركن بص حواليه كويس و اطمن ان مفيش حد وراه نزل خد هنا شالها كانت نايمه خالص
رمشت بعينها و نامت تاني مخدتش بالها من حسان طلع البيت
شادي كان فاتح الباب و مستنيه و علا كانت قاعده علي الكنبه معاها البيبي و شكلها احسن بس باين عليها التعب شويه
خرج حسان من الاسانسير و اول ما شادي شافه اتصدم
شادي…..ايه ده في ايه
حسان….ششششس هنا نايمه مش عايزها تصحي و تشوفني كده
