لقاء كارثي

ايمي…..تليفون ايه ؟ انتي متخيله انه هيخرجهم لو فضل الموضوع محضر قصاد محضر

ليله…..بصتلها بطرف عينها عيب بلاش تيجي منك قلة الثقه دي

عشري….استني هنا رايحه فين

ليله…..قولت هعمل تليفون وراجعه

راح معاها و خرجوا بره ركبت ليله عربيتها و هو ركب جنبها.

عشري…..ليله مش ملاحظه انك بتعشميهم و المفروض الوضع واضح يعني انحياز الظابط مش حاجه في صالحنا الواد واللي معاه مش حابين ان الموضوع يكبر واضح اوي ان ده مش اللي كانوا مخططين ليه هما كانوا عايزين خناقه صوت عالي قلق علي سمعه المحل و بالكتير يكسروا المحل و خلصت علي كده انما نيابه و الجو ده مكانتش في حساباتهم عشان كده الظابط واقف مع الواد و عايز يضغط علينا نتصالح و الموضوع يخلص بس بما اننا متمسكين بموقفنا مش هيقدر الظابط يعترض بس اوعي تفكري انه ممكن يخرجهم و يحبس الواد واللي معاه

ليله…..كل اللي انت بتقولوا انا واثقه منه كويس و عارفه ان ده مكانش هدف مريم هي بس كانت عايزه تنكشنا عايزه تبوظ سمعه المكان عند ايه و تبوظ مكان اكل عيشها و تخلع و تروح لغيرها بس لا متقلقش هيتحبسوا و الموضوع هيكبر اكبر بكتير منا تخيلت و ايه و الشباب هيخرجوا

عشري….ودي هتعمليها ازاي

ليله….هتشوف

مسكت ليله الموبايل و اتصلت علي الظابط حسين..

حسين…..الوووو ايوه يا ليله

ليله….حسين باشا اسفه بجد عالازعاج اللي عملاه لسيادتك بس انا محتاجه مساعدتك جدا

حسين…..خير يا ليله انا معاكي انتي فين

ليله…..انا قدام قسم مدينتي المفروض اجي لحضرتك بس الوضع هنا مش احسن حاجه الظابط اللي جوه مصمم يتحفظ علي ايه و والدها و خطيبها

حسين….طيب مين هو و كمان لازم افهم علي الاقل المشكله

ليله…..طيب هو انا ينفع اقول لحضرتك باختصار المشكله علي الموبايل

حسين….معاكي يا ليله قولي

ليله……تمام حسين باشا انا بتعرض للتهديد من خطيبه جوزي السابقه باختصار يعني هي مش متقبله اننا مكملين مع بعض و كتبنا الكتاب و خلاص كلها ايام و نتجوز ..

بقالها فتره بتراقبني و بتراقب كل تحركاتي و مش بس كده اكتشفت انها مراقبه حتي صحابي و اهلي اماكن شغلنا كل حاجه تتخيلها و مستحيل تكون قادره تعمل ده لوحدها انا واثقه ان المعلومات اللي بتوصلها دي مش بمجهودها الشخصي لمحتها من كام يوم ماشيه ورانا بالعربيه يوم كامل و تاني يوم نزلت من البيت لقيتها ماشيه ورايا طول اليوم و يمكن انا عملت حاجه عارفه انها قانونا مش هتفيدني بس اكيد حضرتك عندك حل او نصيحه تخليني استفاد منها انا سجلتلها هي خلتني واقفه بالعربيه و لقيتها ركبت جنبي كنت شيفاها قبل ما تيجي و جهزت نفسي عشان اسجل و التسجيل كله عباره عن تهديد و يمكن انا لو بعتهولك هتفهم اصلا سبب اللي هي بتعملوا ده ايه من البدايه. المشكله انها اللي هددت بيه هي بتنفذه الوقت بالحرف قالتلي انتي و جوزك مش هدفي الوقت هدفي اني اوجعكم علي اعز ماليكم تقصد صحابنا اهلنا و فعلاً انهارده الصبح في شاب اتواصل مع ايه اللي عندها محل الكلاب ايه كانت اجازه قالها انه عنده كلب صاحبه سايبه معاه و سافر و المفروض انه هو كان بيخلص ورقه عشان يسفرهوله بس الملب الفتره دي اتبهدل و محتاج انه ينضفوا قبل السفر و عرض علي ايه 100 دولار و اكيد ده مش السعر المتعارف عليه في اسعار الـpet grooming