لقاء كارثي

جاسر…..كدابين يا باشا هما متفقين مع بعض يألفوا حوار عشان يعرفوا يهربوا بعملتهم و يداروا علي موت الكلب

بصتلوا ليله بابتسامه شرسه

الظابط…..جاسر اسكت و مش عايزك تتكلم

جاسر….يا باشا ده حوار انا لا اعرف واحده ولا واحد انا كل الحكايه وديت الكلب عندها المحل زي اي زبون عادي

ليله…..و الزبون العادي ده طبيعي انه يدفع 100 دولار عشان الكلب ياخد شاور و يحلق و عادي انك تعرض المبلغ ده و انت عارف ان ده اكتر من السعر المتعارف عليه

جاسر…..وهي قبلت ليه لو شاكه فيا؟

ليله…..لأنها اتعرض عليها سعر واضح ومباشر و مفيش واحدة مطالبة تشك في نوايا كل شخص يدخل مكان شغلها و اللي يعرض رقم ويبقى راضي علي دفعه يبقى الاتفاق تم وأي تشكيك بعد كده زي ما انت بتعمل الوقت محاولة منك انك تحملها حاجة ملهاش ذنب فيها.

جاسر….لو في حد بيحاول يحمل حد حاجه ملهوش ذنب فيها يبقي انتوا الكلب اللي مات ده هتدفعوا تمن موتوا كويس و صاحبتك هتتسجن هي و شويه البلطجيه اللي معاها بره

ليله…..بابتسامه حظك اني محترمه المكان اللي انا فيه و الا كان زماني عرفتك البلطجه علي حق

الظابط….جااااسر مسمعش صوتك و انتي يا استاذه خلي بالك من كلامك متنسيش انتي واقفه فين

ليله…..مش ناسيه واظن حضرتك سمعتني وانا بقوله اني محترمه المكان عموما انا قولت اللي عندي اللي قدامك دول متحرضين علي ايه

الظابط……خدي بالك دي تهمه و ممكن تتأذي فيها

ليله…..وانا مستعده لاي حاجه

جاسر…..هتتأذي و الله لا هتتحبسي مع صاحبتك و البلطجيه اللي معاها و مش هتنازل عن المحضر

ليله….ابتسمت و غمزتلوا الحبس للي شبهك انت واللي دفعالك يا دكر و لو عالتنازل مين قالك اني عيزاك تتنازل

جاسر…..تمام هنشوف

الظابط….جاااااسر انا قولت ايه و انتي يا استاذه ليله ايه ناسيه اني موجود ولا ايه انا سايبك براحتك بس انا ليا حدود

ليله…..بابتسامه جريئه و نظره ثقه مش ناسيه بس المفروض تثبتلي انك موجود

اتصدم الظابط من جملتها و اتفاجئ من ردها و جرئتها و مقدرش ينكر انها عجبته اكتر رغم انه حس ان هيبته بتتهز

الظابط….نعممممم المفروض اثبتك اني موجود !

ليله…..اه

الظابط…..انتي مستوعبه الجمله اللي بتقوليها دي

ايه….مسكت أيدها ليله اسكتي والنبي حضرتك اعذرها معلش هي مضايقه وووو