لقاء كارثي
لقاء كارثي
الظابط…..جوز الاستاذه ليله
ليله…..بابتسامه طيب يا باشا نقدر نمشي
الظابط….بارتباك ااا اه اه طبعاً
سلامه بصلوا و بعدين خد ايه في ايده و خرج ليله قدامه الاول وبعدين خرجوا مع بعض اول ما خرجوا احمد خد ايه في حضنه
علي…..ايه يا متر طمنا
المحامي…..خلاص هيروحوا بكره بس هيجوا عشان النيابه تاخد كل اقوالهم و تسمع شهادتهم و بعدين قلقانين ليه الاستاذه ليله ادت درس للظابط انا نفسي قلقت منها
علي……بابتسامه عملتي ايه فيه
ليله….بهدوء ولا اي حاجه بقول ايه خلونا نمشي بقي من هنا عشان نطمن عليهم كمان
ايمي……انتي كويسه يا ايه
ايه….بهدوء و حزن الحمد لله انا عايزه امشي بس
رشيد…..يلا يلا تعالوا انتوا عربياتكم فين يا سلامه
محمود….محدش فينا معاه عربيه قدام المحل كلهم
عسال….انا بس اللي معايا العربيه نادين جات بيها
رشيد…طيب يلا بينا
خرجوا كلهم علي بره المحامي اتحرك و مشي
عشري…..علي روح انت وعمر يلا و لما ارجع هنشوف هنعمل ايه
عمر……خلينا معاك لحد ما تخلص
عشري……لا امشوا انتوا انا مش هعمل حاجه هنوصلهم بس و نطمن عليهم و هبقي ارجع انا و فضل
هز عمر راسه و سلموا عليهم كلهم و اعتذروا لاحمد عن كل اللي حصل و بعدين مشيوا..
ركب عشري مع ليله و هو اللي ساق عربيته كانت قدام المعرض سابوها و طلعوا علي طول بعربيه رشيد اما رشيد ركب مع ايمي و محمود ركب عربيه رشيد الكل ركب واتحركوا علي المحل كان مقفول بالباب الخارجي الحديد بس باين من بين الحديد التكسير اللي فيه و الحاجه اللي باظت و واقعه كلها مرضيتش ايه تنزل كانت مضايقه اوي
بصوا الشباب علي المحل عشري و رشيد وفضل و كلهم كانوا مضايقين
احمد مكانش بيقول غير الحمد لله و مش مضايق و اهم حاجه انها عدت علي خير
وقفوا اتكلموا مع بعض شويه و عشري راح اتكلم مع ايه.
عشري…..ايه انا اسف حقك عليا مش عايزك تزعلي فداكي اي حاجه في الدنيا و اللي حصل في المكان بتاعك تخلص بس النيابه شغلها و هرجعهولك في ظرف كام يوم احسن من الاول بكتير
ايه……انت بتقول ايه يا عشري وانت ايه ذنبك هقبل منك انت العوض فداك انت وليله الف محل انا مش زعلانه عشان المحل صدقني انا مضايقه بس الموقف و كنت خايفه علي سلامه و بابا و تامر و الشباب كنت خايفه علي هنا بس اكيد مش مضايقه عشان المحل الحمد لله انها جات علي قد كده
