لقاء كارثي

قرب بجسمه ناحيه ايه فا هي خافت و دخلت لجوه مسكوا سلامه من دراعه بغضب اعمي

سلامه…..كلامك معااااايا و فكر بس تخطي من جنبي هنيمك جنب الكلب
وانا اللي هودبك في ستين داهيه مش انت و حالا هطلبلك البوليس لو ممشيتش من هنا

جاسر…..بابتسامه اللللله ده انتوا عصابه بقي

احمد…..ولااااا احترم نفسك وخد صحابك و يلا من هنا

صاحبه……بقولك ايه انت تحط لسانك في بوئك عشان انت راجل كبير متخلنيش اقل منك

سلامه…..تقل من مين يلااااااااااا

دخل صحابه من علي الباب واحد منهم

بقولك ايه يا جاسر العالم دي مينفعش معاها ذوق واحتام دول عايزين يتربوا دغدغ المحل علي دماغهم عشان يعرفوا ان الله حق

في اللحظه اللي الشباب شافوا فيه صحاب الشاب دخلوا المحل نزلوا بسرعه تامر و حسان و محمود.

عسال…..قلع الچاكت نادين المفتاح معاكي بمجرد ما انزل اقفلي اللوك كله

نادين….بخوف ميدو استني والنبي نطلب البوليس طيب

عسال……اوعي تنزلي سمعتي

مد ايده لوراء تحت الكنبه خد منها عصايه زي اللي بتبقب في ايد الظباط فتح الباب و نزل بسرعه وراهم و قفلت نادين الابواب بسرعه وبصت من الشباك بخوف و هي جايبه رقم النجده و مستعده تتصل لو حست ان الموضوع تطور هي كانت سامعه صوت عالي بس مفيش اي حاجه غير كده ..

قرب الشباب و كان اولهم تامر بس قبل ما يقربوا بثواني كان احتد الكلام بين سلامه و الشباب و بمجرد ما واحد منهم قرب من احمد وزقه في صدره سلامه اتجنن شد احمد وراه وبسرعه ضرب الولد و لما للاقهم بيقربوا كلهم عليه و عايزين يدخلوا علي جوه كان كل همه ميقربوش لايه بالاخص احمد قرب ضرب معاه واحد فيهم ايه صرخت لما شافت الموقف و واحد فيهم كان بيكسر الباب بالكرسي

الشباب كانوا جريوا علي المحل و بما ان تامر كان اطول واحد فيهم دخل مسك اول واحد من قفاه بعدوا عن ابوه و ضربوا في وشه

قرب حسان بعدهم عن سلامه هو و محمود وبقوا يضربوا في بعض دخل عسال كمان بالعصايه بقي يضرب و يبعد عن الشباب اللي يطولوا و ايه جوه عمال تعيط و تصرخ

نادين بره كانت سامعه صوت صريخ ايه ومش عارفه تعمل ايه هي في المواقف دي اصلا مش بتعرف تتصرف و المنظر من بعيد مخليها مرعوبه هتنزل تروح فين في وسطهم و كمان مرعوبه تسيب هنا لوحدها اللي نايمه و غرقانه في النوم..