لقاء كارثي

عشري……بس ده مكانش كلامك يا ليله انتي فعلا شوفتي ان انا السبب في اللي مريم عملتوا و بتعملوا

ليله….لا يا عشري انا كلامي كان واضح بخصوص حاجه معينه و هي الطريقه اللي فضحتها بيها مش في مشكلتنا الاولي انك خبيت او كدبت

عشري……انتي بتلوميني علي ايه يا ليله انتي متخيله اني مبسوط اني فضحت ست اكيد لا ده مش انا و لا دي شخصيتي ليله انا كنت مستعد اتجوز واحده محبتهاش عشان بس استر عليها يعني مش انا الراجل اللي يفضح بس هي اللي بدأت بوظت اللي بينا جرحتك قالت كلام كله كدب مع انها عارفه كويس سبب وجودي معاها كان ليه ادت لنفسها الحق انها تبوظ اللي بينا عشان كانت فاكره انها كده بتضمن وجودها معايا

مكانش في بينا حب ولا مشاعر و لا علاقه ارتباط حقيقيه عشان تسمح لنفسها انها تغير و تحس باستحقاقها في الحفاظ عليا و فوق كل ده طلعت كدابه في كل حرف قالتوا ليا

قالت انها متجوزه عرفي و هي كانت معاشره اللي معاها في الحرام قالت انه قطع الورق و هو مكانش في ورق من الاساس قالت انها نزلت اللي في بطنها وهي معملتش كده و كانت ناويه تغفلني و قالتها بلسانها
انها كانت هتديني منوم او تعمل اي حاجه عشان تقنعني اني نمت معاها
و تكتب عيل ابن حرام مش من صلبي باسمي كانت ناويه تكمل معايا و تخلي اللي في بطنها يشيل اسمي و اسم عيلتي و يبقي ليه حق في كل حاجه في حياتي و يبقي وريث شعري و انا مليش علاقه بيه

بعد كل ده بتلوميني يا ليله اني مفكرتش لحظه و عقلي غاب و فضحتها لا يا ليله مينفعش تلوميني و لا ينفع مريم تصعب عليكي
اللي اتعمل فيها هي تستحقوا انا مظلمتهاش ولا جيت عليها و لا فضحتها هي ربنا شال من عليها ستره لانها مكدبتش كدبه واحده دي كدبت كتير و كل كدبها مصايب فا اوعي مره تانيه تلوميني او تحسسيني اني كنت السبب و بقولهالك يا ليله لو اتعاد الزمن مره تانيه مش هفكر ولا هدي نفسي وقت للتفكير و هعمل اللي عملتوا تاني و مش بعيد اخلص منها مش بس افضحها سمعتي يا ليله..

بصلها بنظره عتاب و غضب من مريم و اللي حاصل و بعدين فتح الباب و نزل وقف جنب العربيه و لع سيجاره تانيه..

بصتلوا ليله و سكتت مقدرتش تنطق هو معاه حق هي عملت كل حاجه تخليه ميفكرش لحظه بطريقه فيها شفقه عليها استخدمت كل الاساليب القذره اللي تخلي ضميره مرتاح من فضيحته ليها ..