لقاء كارثي

نعيمه….ايوه انا رايحه عليهم

فضل…..نعيمه خليكي مكانك اطلعيييي

نعيمه…..مش هطلع يا فضل ايه لوحدها في المحل و الضرب كله جوه معاها و نادين بره لوحدها مع بنت حسان

فضل……يلا يا عشررريي اقفلي انا جاي احنا مش بعيد عنكم سلام

عشري….في ايه

رشيد….حصل ايه يا فضل

فضل….يلا بسرعه هحكيلكم

………………..

الخناقه كبرت و الناس بدأت تتلم اتجمع شويه شباب و حاولوا انهم يفكوا الاشتباك ده و الأمن في المكان كمان حاول يسيطر عليهم و معداش دقايق و الشرطه وصلت بمجرد ما جاسر سمع الصوت حاول هو و اصحابه يجروا بس الشباب مسكوهم لحد ما نزل اتنين ظباط و معاهم عساكر.

مفيش حد فيهم مكانش متعور او مخبوط او عنده كدمات..

احمد فهم الظابط بسرعه اللي حصل و جاسر بقي يقول كدابين و الكلب كان كويس و انتهي المطاف بيهم انهم راحوا علي القسم بتاع مدينتي..

حسان اتكلم مع الظابط و قالوا انه معاه طفله و استأذنوا انه يروحها ويرجع تاني الظابط اتفهم الموضوع و سابوا يمشي

خد حسان هنا اللي مكانتش حاسه باي حاجه ورايحه في النوم و حطها في العربيه..

نادين….بدموع حسان نعيمه عرفت و اتصلت علي فضل من فضلك كلم حد فيهم يقابلك علي الطريق متمشيش لوحدك احسن بكون حد مراقبك انت وهنا

حسان….متخافيش انا هتصرف اطاعي انتي وراهم يلا و متبعديش عنهم هجيلكم علي طول

نادين….حاضر

مشي حسان بسرعه و راح علي علا و شادي و كلم شادي و هو في الطريق.

حسان…..الووو

شادي….ايوه يا حسان اخبارك يا حبيبي

حسان….بخير يا شادي طمني انتوا روحتوا

شادي….اه يا حبيبي الحمد لله من حوالي ساعه كده و الحمد لله داليدا كمان خرجت معانا

حسان….طيب الحمد لله يا حبيبي حمد الله علي سلامتهم

شادي….الله يسلمك يارب

حسان….شادي انا بس عايز اقولك حاجه و حقك عليا والله بس غصب عني

شادي…..في ايه يا حسان قول

حسان…انا الوقت جاي عليكم و معايا هنا نايمه و حقك عليا يا صاحبي والله ملحقتش اديكم فرصه ترتاحوا وعارف ان انت تعبان مع علا بقالك فتره بس غصب عني

شادي….ايه الهبل اللي انت بتقولوا ده يا حسان جيبها طبعاً هي وحشتنا و اكيد هتفرح لما تعرف و الاهم احنا خرجنا خلاص و علا احسن كتير بفضل الله بس قولي في حاجه ولا ايه اوعي تكون زعلان انت و سلمي

حسان….لا لا خالص سلمي اصلا متعرفش اني خدتها بس حصل حوار كبير كده و هنا مينفعش تبقي معانا عشان ابقي مطمن عليها عموما انا في الطريق ولما اجي هحكيلك