لقاء كارثي

حسان….اه انا المفروض كنت ابقي معاهم بس اتكلمت مع الظابط و هو قدر الموقف بصراحه مكنتش هقدر ادخل هنا المكان ده و كويس انها كانت نايمه و محستش باي حاجه عشان متشوفش كل ده

شادي….طيب استناني لحظه انا هغير واجي معاك

حسان…لا تبجي معايا فين خليك انت هنا علا و الولاد محتاجينك

علا….خليه يجي معاك يا حسان مش هتقدر تسوق كده وانا كويسه و الناني معايا

حسان…..علا انا لسه قايلكم الموقف اللي احنا فيه مينفعش يسيبك لوحدك بيهم وانتي في الحاله دي هو الحمد لله مفيش حد ورايا و لا حد عرف البيت بس معلش خايك يا شادي و بنتي امانه معاك

شادي…..متقلقش يا صاحبي دي في عيني المهم انت هتقدر تسوق كده

حسان….اه متقلقش و حقكم عليا والله كنت هستني يوم كمان او يومين عشان علا تقوم بالسلامه و تقدر تتحرك اكتر بس غصب عني هنا كده مش في امان لان محدش فينا حاليا في امان طول ما مريم دي محدش عارف طريقها

علا….لا يا حسان انا بخير الحمد لله متحملش همي خليك انت بس مع سلمي و اختها و خدوا بالكم من نفسكم لان واضح ان البنت دي فعلا مش طبيعيه

حسان….ربنا يسترها بقي بعتذر مره تانيه

شادي….مفيش اعتذار بينا يا حسان هنا رجعت بيتها و كفايه اللي خطيبتك واهلها و صحابها عملوا معاها و الوقت انت لازم تكون معاهم و خلي بالك من نفسك و انا هطمن عليك

حسان….ماشي يا حبيبي خد بالك منهم يلا انا لازم امشي

شادي….طيب علي مهلك ها

حسان….ربنا يستر سلام عليكم اااه لو هنا صحيت عرفوها اني حبيت اعملها مفجاه لما تصحي اني جبتها عشان متزعلش مني

شادي…..اطمن

علا…. متقلقش يا حسان

حسان….سلام عليكم

شادي..علا….. عليكم السلام.

………………

عند ايه والشباب في القسم وصلت نعيمه و بعدها بشويه
وصل عشري و رشيد و فضل و دخلوا علي جوه بسرعه شافوا الشباب و اتصدموا من منظرهم عرفوا ان الخناقه كانت كبيره

احمد كان كويس مفيهوش خدش
تامر في تعويره جنب حاجبه وكام خدش في وشه محمود كمان في جنب حاجبه و شفايفه
عسال في جنب حاجبه و في خبطه جنب كتفه مش قادر يحركوا سلامه متعور في بطنه بالمطوه السويت شيرت مقطوع بس خدش مش عميق و في كدمات في وشه و دم جنب حاجبه غير طبعاً حسان.

جريوا عليهم و لمحوا كام واحد من الشباب واقفين بعيد وقفوا عشري و فضل عنهم ..