لقاء كارثي

بصت نعيمه قدامها وفضلت ساكته و مضايقه.
……………….

عند عشري و ليله من بعد ما اتحركوا
فضلت ليله ساكته و بعدين سندت راسها علي الكرسي عشري كان سايق و عمال يشرب سجاير بص بهدوء لمح ليله نايمه و مش بعادتها تنام في اي طريق التسم بهدوء و حط كفه علي راسها بهدوء و رغم ان نومها خفيف بس مصحيتش كانت تعبانه و اليوم كان طويل و اللي حصل ضغطها اكتر فضل سايق لحد ما وصلوا

عشري…..ليله ليله

ليله…..ايه

عشري…..يلا يا ماما وصلنا
قامت بهدوء و بعدين بصتلوا

ليله….انتوا هتروحوا ازاي انت و فضل فين عربياتكم

عشري….متشغليش بالك عربيتي عند المعرض و فضل مكانش معاه هناخد اوبر و هناخد العربيه من هناك و نتحرك

ليله….طيب خد عربيتي

عشري….ومين هيجبها تاني احنا هنركب الوقت يلا بس اطلعي عشان شكلك تعبان و ياريت تقفلي كويس علي نفسك انتي و نعيمه

ليله…..طيب ممكن تطمني عليك

عشري…..حاضر يلا اطلعي

بصتلوا ليله بنظره حزينه رغم قوتها و الشخصيه اللي كانت متقمصاها طول الوقت بس كانت مضغوطه اوي نظره سريعه قبل ما تفتح و تنزل

مسك عشري دراعها و اول ما بصتلوا سحبها لحضنه.
مسكت ليله في التيشرت بتاعه وحضنتوا حضن طويل

عشري…..بحب باس راسها حقك عليا كل حاجه هتخلص يا قلب عشري عارف انك تعبتي و عارف انك مضغوطه بما فيه الكفايه و عارف كمان اني زعلتك اسف علي كل الكلام اللي قولتوا بس غصب عني
انا كمان مضغوط يا ليله و تعبان

رفع وشها بهدوء لمح دموعها

عشري….انتي كده بتطلعيني مش قد الوعد اللي وعدتهولك يا ليله قولتلك لما اتجوزتك و خدتك علي البيت مش هخليكي تعيطي تاني ابداً و لا دموعك هتنزل بسبب الموضوع ده تاني

ليله…..هزت راسها بلأ انا مش بعيط عشان كل ده انا بس محتجالك يا عشري

ابتسم عشري و خدها تاني في حضنه

عشري……وانا جنبك يا قلب عشري انتي عرفه اني مش بعيد خد نفس طويل انا اسف علي كلامي و الهبل اللي قولتوا عند رشيد انك ضعيفه كل الحكايه اني حسيت ان البلطجيه بتاعتي و حشتني فا قولت انكشها بس طلع نكشك وحش اوي و رجعتيلي انتي و شيطانك ابن الكلببببب الكافر تاني

ضحكت ليله من بين دموعها

عشري…..مينفعش اشوف دموعك دي تاني

ليله…..تعبت يا عشري و مضغوطه و قلقانه من مريم عليك و علي البنات و علي الكل حاسه بالذنب من اللي حصل لايه