لقاء كارثي

نعيمه…..وانا قولت ايه طيب ؟ و بعدين انا مش بتكلم في فلوس بس ولا مكان انا بتكلم في سمعه شغلها و بعدين انا مش بقول يا عشري انك ليك ذنب ما كلنا في نفس الموقف مع بعض لو مكانش حصل ده عند ايه كان ممكن يحصل في شغلكم او في المطعم عندنا او في اي حاجه تانيه

فضل…..بنظره حاده طيب مش وقته يا نعيمه نخلص من الموقف اللي احنا فيه و بعدين نشوف ذنب مين و هنعمل ايه

بصتلوا نعيمه و سكتت ..

ثواني و رن موبايل ليله كلهم بصوا عليها

ليله……معاك

توما…..فكي كده وروقي مش قولتلك انا في ضهرك كلمتك اعلي رتبه عندك مأمور قسم مدينتي العقيد اشرف ممدوح و هو الوقت مش موجود بس هيتصل بنائب بتاعه ده رئيس المباحث المسؤول عن الشغل الجنائي هناك و الظابط اللي قولتي اسمه ده ظابط لسه علي قده متقلقيش في ايدنا يعني و حالا الجماعه هيمشوا معاكي و متقلقيش هيعملوا معاكي احلي واجب في المحضر بتاعك مش عايزك تقلقي يا برنسيسه انتي وراكي توما

ليله….بابتسامه جميله مش عارفه اقولك ايه

توما….ولا حاجه عايزك تفرحي و تروحي تجيبي الفستان بقي

بصت ليله علي الموبايل و كملت بابتسامه

ليله….حاضر انا هقفل الوقت هرد علي التليفون وهخلص و اعرفك

توما…..سلام يا روح قلبي

ليله….باي قفلت معاه و ردت علي حسين ايوه يا باشا

حسين….خلاص يا ليله الموضوع خلص هيروحوا معاكي الوقت بس عايزك تدخلي تثبتي في المحضر باقي التفاصيل اللي متكتبتش

ليله…..طيب و اعملها ازاي دي ؟

حسين…..ادخلي يا ليله و متقلقيش الظابط جوه فاهم كل حاجه و هيكتب اللي حصل كله هليه يعرفك المحضر مكتوب فيه و اللي مش مذكور يتكتب

ليله….تمام يا باشا مش عارفه اقول ايه لحضرتك

حسين ….ولا اي حاجه بس متنسيش لازم تعملي بلاغ و نكتب محضر رسمي

ليله…..بكره هكون عند حضرتك ان شاء الله

حسين….تمام يلا مع السلامه تخرجي من القسم تعرفيني بس

ليله…..حاضر سلام

قفلت ليله و خدت نفس طويل و هي مبتسمه

احمد….ايه يا بنتي

ايمي…..شكله خير صح ؟

ليله …الحمد لله هيروحوا الوقت معانا

رشيد…..طيب الحمد لله

ليله…..انا هدخل بس ثواني عشان اتاكد ان كل اللي في المحضر اتكتب زي ما احنا عايزين

عمر……ليله خلي المحامي يشوف هو بنفسه

ليله ….حاضر

قربت ليله من الباب بلغت العسكري انها عايزه تدخل فتح العسكري الباب و بلغ الظابط قالوا تدخل