لقاء كارثي
لقاء كارثي
سلامه……بطل هبل يا عشري تحت رجليها اي حاجه في الدنيا و تحت رجلك يا صاحبي انت وليله عوض ابه اللي بتتكلم فيه بس احنا كل اللي يهمنا ان البت دي تقف عن اللي بتعملوا
عشري…..مش حوار عوض يا سلامه بس اللي حصل ده كله تبعي انا و ايه ملهاش ذنب..
سلامه….وايه عارفه كويس ان انت كنان ملكش ذنب و لو علي المحل كده كده هيرجع تحسن ما كان بس انت ملكش دعوه
ليله….بهدوء محدش فيكم ليه ذنب و محدش فيكم هيصلح حاجه هنطالب بتعويض و ده حق ايه لازم هما اللي يتحملوا اللي حصل منهم الخساره مش هتبقي في حبسهم بس الخساره هتبقي في التعويض اللي مجبرين يدفعوا
ايه……ليله معاها حق اينعم مش عايزين اي حاجه منهم بس هما اللي بدأوا و لازم اللي غاط يدفع تمن غلطه و فك شويه يا عشري انت ملكش دعوه باي حاجه
سلامه….يلا يا صاحبي خد مراتك و روح وصلها انا كمان هوصل ايه و عمي و بعدين هروح
فضل عشري ساكت و مش عارف يقول اي حاجه.
قربت ليله من ايمي و رشيد
ليله…..ممكن يلا تروحوا انتوا كمان كفايه كده يا ايمي عشان خاطري انتي تعبتي انهارده
ايمي….انا بخير متقلقيش هنروح بس مع محمود عشان ناخد چوي و نطمن زوزو وحماده مبطلوش اتصال و حماده كان عايز يجي بس قولتوا ميسيبش زوزو و چوي لوحدهم
ليله…..طيب يلا بعد اذنك امشي يلا يا رشيد
رشيد…..انا مستني تقول يلا و سايبها براحتها
بصتلوا ايمي وسكتت عارفه انه مضايق
ليله…..مفيش براحتها خد مراتك و يلا امشوا بقي
ايمي…..لما اروح هبقي اتصل عليكي
باستها ليله وسلموا علي بعض
و دقايق الكل اتحرك و مشيوا
عسال راح مع نادين عشان يبات معاها مقدرش يسيبها لوحدها
و سلامه و حسان وصلوا احمد و سلمي و ايه و تامر..
و عشري راح هو وفضل مع ليله و نعيمه..
…………
طول الطريق فضل كان ساكت و عمال يولع سيجاره وراء التانيه و مضايق منها بصت نعيمه عليه
نعيمه……انت هتفضل ساكت و قالب وشك كده
سكت ومردش عليها
نعيمه…..فضل انا بكلمك علي فكره
فضل….من غير ما يبصلها خليني ساكت يا نعيمه احسن عشان لو اتكلمت هتزعلي
نعيمه…..وانا عملت ايه لكل ده يا فضل هو اللي بقول كلمه حق يطلع غلطان و بعدين ليه مصمم تفهم كلامي غلط انا محملتش عشري الذنب
فضل…..هو انا بس اللي فهمتك غلط يا نعيمه ما الكل رد عليكي جتي صحابك قالولك اسكتي كفايه
