لقاء كارثي

ليله……انا اسفه يا عشري مكانش قدامي حل تاني عارفه ان بباك كان عايز الموضوع يتحل ودي عشان والدها بس غصب عني الموضوع وصل لمكان مينفعش السكوت عليه

عشري…..بلاش هبل يا ليله ابويا لسه متصل عليا و بكره هو بنفسه رايح يقدم بلاغ في زايد و انا هكون معاه ابويا شايف ان الموضوع كبر و عايز يأمن الدنيا قبل فرحنا و كمان قلقان تعمل اي حاجه في شغلنا هناك فا البلاغ و اثبات الحاله هيبقوا في صالحنا كلنا و بعدين بتتأسفي علي ايه انتي اكتر حد عارف اني عايز الاقي مريم و بسرعه

هزت ليله راسها بهدوء و دخلوا علي جوه قربوا منهم

ايمي…..ايه يا ليله طمنيني ؟

ليله….متقلقيش خير كلها عشر دقايق بالكتير و هنمشي كلنا من هنا

نعيمه…..ايوه طب والعيال دي كمان هتمشي ايه هنتصالح يا ليله

ليله….مفيش صلح يا نعيمه مع اني شايفه يعني ان العيال دي مش هدفنا

نعيمه ….نعم ايه عيزانا نسيبهم طب و لما نسيبهم هنوصل للي اسمها مريم دي ازاي

ليله…..بنفاذ صبر نعيمه ممكن تسكتي شويه و تهدي انا هموت من الصداع محدش قال هنسيبهم

فضل…..هو انتب ممكن تسكتي شويه

نعيمه….انا بجد مش فهماكم انتوا مش شايفين مناظرهم عامله ازاي افرضوا مكانش في حد مع ايه كان حصل فيها ايه هي او انكل احمد

رشيد…..نعيمه ربنا ستر الحمد لله و الموضوع اتحل و ايه محصلش فيها اي حاجه

نعيمه….طيب ومحلها اللي باظ هي ايه ذنبها ؟

عشري…..بهدوء وضغط نفسي فظيع و احراج من الموقف ملهاش ذنب يا نعيمه الذنب ذنبي انا و اللي حصل في محلها مسؤوليتي انا يا نعيمه

عمر…..بهدوء اي حاجه حصلت في المكان بتاعتنا احنا من بكره بامر الله او حتي لما النيابه تخلص شغلها و تعاين المكان انا هجيبلها ناس محترمه ترجع المكان زي ما كان واحسن

علي…..محدش فينا يرضي بخسارتها يا نعيمه متقلقيش

احمد….انت ايه الهبل اللي بتقولوا منك ليه ده ما في داهيه المحل المهم ان كلنا بخير و محدش فينا حصلوا اي حاجه و لو علي المكان امره سهل ياريتها تيجي في الفلوس وانت يا عشري مالك كده فوق يا حبيبي انت ملكش ذنب في اي حاجه الشر اللي هي فيه انت مش مسؤول عنه فداك و فداء أيه وفداء ليله و فداكم كلكم

بصت ليله لنعيمه بنظره عتاب صعب عليها عشري اوي و الموقف اللي محطوط فيه

ايمي…..هو انتي ممكن تسكتي بقي شويه