لقاء كارثي

ليله….وحضرتك مش منحاز

الظابط…..خدي بالك من كلامك انتي زودتيها اوي كلمه كمان و هنزلك الحجز انتي بتتهمي ظابط بالانحياز و دي تهمه كبيره

ليله…..ماهو لما المحضر اللي قدامك اللي المفروض يوصل للنيابه يكون ناقص يبقي معنديش غير الكلام ده

الظابط….محضر ايه اللي ناقص انتي جايه تعرفيني شغلي كل طرف فيهم قال اللي حصل وكله متسجل

ليله……بقوه و ثبات مش صح حضرتك سجلت اللي ايه قالته و سجلت اللي هو عارضه من كلامها
وسجلت كمان النقطه اللي اتفقوا فيها بتاعت اتفاقهم علي الشغل والسرع والمعاد بس حضرتك نسيت اهم حاجه تقوي موقف ايه في النيابه و تخليها في وضع المعتدي عليه مش وضع المتهم المحضر اللي حضرتك كاتبه ده يخلي الطرفين قدام النيابه متساويين بس يمكن كانت هتفرق لو سيادتك تعبت نفسك شويه و اثبتت انك بتحب شغلك

و ذكرت في بلاغك اهم نقط تخلي ايه و اللي معاها ميستنوش هنا لحظه قربت من المكتب و بصتلوا و هي رافعه كفها وبتعد عليه.

واحد البلاغ كان من طرفها وزي ما حضرتك قولت مستحيل المتضرر او اللي لجأ للشرطه يتم التحفظ عليه..

اتنين الكاميرات اللي في المكان لو حضرتك كنت تعبت نفسك و بصيت عليها كنت هتعرف اللي حصل

ثلاثه حضرتك بتقول ان كان في نيته مبيته من ايه و اللي معاها و كانوا مجهزين نفسهم و ده حقيقي فعلا بس افتكر اني اول ما دخلت قولت لسيادتك ان في تحريض واحنا علي علم بيه عشان كده لازم نكون واخدين حذرنا بس الكاميرات لو كنت استغليتها في شغلك كنت هتتأكد انهم حتي بعد ما شافوا مع الاستاذ شباب جايه تهجم علي المكان متحركوش غير لما بالفعل بدأوا بالاعتداء عليهم وعلي المكان

رابعاً وده الاهم هما متصلوش بيه بعد ما الكلب مات لانهم شكوا في الموضوع و حسوا ان في لعبه بتحصل و كان طبيعي جدا يامنوا نفسهم في البدايه و بعد كده يبلغوا

كل ده بقي لو كانت اتكتب في المحضر بتاعك وقتها مكنت هقدر اشوفك منحاو لطرف انت علي صله بيه.

الظابط….للمره التالته بنبهك تاخدي بالك من اتهامك المباشر ليا و كل اللي انتي ذكرتيه الوقت ده مش شغلي انا ده شغل النيابه هما اللي بيطلبوا تفريغ الكاميرات وبيشوفوا لو في شهود يعني دي مش شغلتي انا شغلتي اكتب المحضر و بس

ليله…..والنيابه المفروض انها بتتطلع علي محضر مكتوب مظبوط في كل التفاصيل صح حضرتك بتكتبه و بتلفت نظرهم لبعض الثغرات البسيطه اللي جايز تخليهم يشوفوا الواقعه بعين تانيه زي ما قولت