لقاء كارثي

عشري…..رفع حاجبه هو ده نفس الظابط

ليله…..هو

عشري…..و متخيله بقي انه هيقدر يعمل حاجه

ليله…..انا واثقه حسين باشا تقيل و ليه كلمته و يعرف ناس كتير بس متقلقش مش هو الكارت الوحيد
رفعت التليفون علي ودنها.

عشري….امممم شغاله في المخابرات ولا ايه

بصتلوا ليله بسخريه و بعدين بصت قدامها.

ليله….الوووو

توما…..ايه يا روح قلبي طمنيني

ليله……عايزه مساعدتك يا توما

توما…..عيني اللي تؤمري بيه بس فهميني اللي حاصل معاكي و مع ايه الواد فعلاً وراء اللي ما تتسمي

ليله….اه يا توما بس المشكله الوقت ان الظابط طلع معرفه الواد و واخد طرفوا و انت اكيد فاهم بقي هو الوقت عارض علينا حل من اتنين يا نتصالح و المحاضر تتقطع يا يبقي محضر قصاد محضر و يتم التحفظ علي الكل و يتعرضوا بكره علي النيابه و ايه مش هتبات في الحجز يا توما لا هي و لا اللي معاها و انت فاهم ان لو الصلح تم حقنا راح و الحيوانه دي هتبقي فازت واحد صفر عليا و هتبقي ضربت ايه في سمعة شغلها و كسرتلها المحل و اعتدت عليهم و حقها ضاع و خرجت هي صاغ سليم.

توما….ده بعينها واحد صفر ده ايه ده انتي هتجيبي فيها عشره صفر و اسمها هيتسجل علي الورق و هتتجاب و حتي لو فضلت مستخبيه في جحرها مسيرها تظهر و هتتجاب كفايه ان هيبقي عليها قضيه و اسمها متسجل عند الحكومه يعني حتي لو فكرت تخلع بره البلد مش هتعرف يعني هتقع هتقع قوليلي يا روح قلبي الظابط اسمه ايه

ليله….بابتسامه اسمه باسم اممم باسم محمد سمير في قسم مدينتي

توما…..اديني وقتي و ايه و اللي معاها هيروحوا معاكي و هنعمل توصيه عليهم كمان

ليله…..بابتسامه بس مش كتير يا توما عايزه اروح اشرب القهوه بتاعتي

توما…..بضحك بس كده عيوني ربع ساعه بالكتير و هتلاقي الظابط بيوصلكم لحد بره

ليله…..بضحك الملعب قدامك يا توما يلا باي

توما…..سلام يا نور عيني

بصلها عشري و هو رافع حاجبه.

عشري……لا هو خير بجد مالك عامله زي زعيمه العصابه كده ليه

بصتلوا ليله و خدت من ايده السيجاره خدت نفس طويل

ليله……زعيمة عصابه مره واحده ياعم انا غلبانه و في حالي

عشري….بابتسامه رفع حاجبه ناقص تقولي و ماشيه جنب الحيط

ليله…..عمري ما مشيت جنب الحيط و لا همشي انا قولتها قبل كده يا عشري و هقولهالك تاني انا شيطاني كافر بيظهر لما حد يحاول ينكشني او يقرب من حد مني و انا عمري ما فكرت اكون ظالمه انا ديماً ببقي رد فعل لاي حد يبدأ معايا العداوه و مريم بدأتها و صدقني كنت مقرره اني مقربش منها و اديها عذرها و اساعدها كما بس هي مجاتش معاها و اختارت طريقها و انا بمشي مع اي حد في الطريق اللي يرسموا لنفسه و هي رسمت لنفسها الطريق و حضرت شيطاني فكرت انها ذكيه و فكرت انها تقدر تمسكني من نقطه ضعفي