لقاء كارثي

بصلها الظابط و بعدين رجع قعد علي مكتبه.

الظابط…..اظن انا سمحتلك بالدخول و سمعتك و ده مبيحصلش و خليتك تخطيتي كل حدودك بس بمزاجي و كده انا عملت اللي عليا جايز اوي المحاضره اللي عملتيها دي عجبتني و بحييكي علي شجاعتك بس المحاضره دي مش هتمنعني اني انزلها هي و اللي معاها الحجز مع الشباب عشان متقوليش اني منحاز لطرف

ليله….بابتسامه متأكد انها هتنزل هتنزل الحجز

الظابط…..تقدري تمنعيني

ليله….بابتسامه اممم هنشوف عموما يااااا بصت علي الاسم المكتوب يا باسم باشا انا هخرج و اسيبك تكمل باقي المحضر عشان متقولش اني بعطل سير العمل

الظابط…..بنظره صدمه و اعجاب قوي لا العفو خالص

بصت ليله لايه و ابتسمت بهدوء و رجعت بصت لجاسر سكتت ثواني و بصت تاني للظابط

ليله…..ممكن اقولوا كلمه قبل ما اخرج و لا هتعتبرني بخترق القوانين

الظابط بابتسامه هز راسه

ليله…..ابتسمت ليله و بصت لجاسر ابقي سلم علي اللي حرضتك و دفعتلك و خليها تيجي تزورك بعيش وحلاوه و قولها ليله بتقولك هي واحد و انتي صفر اللي كنتي عايزه توصليلوا مش هيحصل و محدش فيهم بات في الحجز و انت ابقي ادعيلي اصل البلطجيه اللي بره دول لو نزلوا معاك الحجز همست بصوت مسموع هيجيبوا منك عشره

الظابط…..ابتسم و صدمته كانت كبيره و باينه علي ملامحه هو انتي متأكده ليه كده انهم هيخرجوا ما قولتلك الكل نازل تحت و هيتعرضوا علي النيابه

ليله….اللي معاه ربنا مبيغلبش يا باشا
و انا اتعلمت ان اللي علي حق لازم يبقي قتيل علي حقه بعد اذنك يا باشا

خرجت ليله و فضل باصصلها و سرحان ثواني مش قادر يتخطي الموقف اللي اول مره يتحط فيه لاول مره حد يقف قدامه و خصوصا بنت و الطبيعي ان حتي اللي ليه حق بيبقي واقف عنده رهبه و باين عليه الضعف لكن ليله مش بس قصفت جبهته او مهمهاش منصبه او حتي خافت انه بجد يحبسها بس ليله ذكيه لمحت في عينه اعجابه بيها من اول لحظه وسابته عايش الوهم و لعبت علي الوتر ده ..

خرجت ليله بره كان حسان وصل قربوا منها.

احمد…ايه يا ليله حصل ايه ؟

عشري….بسخريه رفع حاجبه قدرتي بقي تغيري رأيه

بصتلوا ليله و سكتت وبعدين بصت لحسان

ليله…..انت كويس

حسان….الحمد لله طمنينا

ليله…..اهدوا متقلقوش خير هو منحاز زي ما قولتوا و عايز ينزل الكل الحجز بس متقلقوش ادوني ربع ساعه بالكتير هعمل تليفون و هنروح كلنا