لقاء كارثي
لقاء كارثي
اما ايمي فا مقدرتش ابداً انها تستني
و لا فكرت لحظه في حملها ولا غضب رسيد عليها لما يعرف انها كسرت كلمته متحملتش ان حد في البنات يكون معاه مشكله و خافت علي ايه و ليله اللي موبايلها كان مقفول خرجت جري علي بره و خافت تسيب چوي لوحدها خدتها معاها و ركبوا العربيه..
ايمي….الوووو
شاب من اللي شغالين علي الريسيبشن بره رد عليها
الشاب….ايوه يا افندم
ايمي….من فضلك انا عايزه اوصل لتوما حالاً يا ريت تحولي الخط علي مكتبه
الشاب….طيب اقولوا مين
ايمي…..قولوا مدام ايمي
الشاب…..طيب خليكي معايا قواني هحول الخط
ايمي….تمام
دورت ايمي العربيه و طلعت
توما…..الوو
ايمي….ايوه يا توما انا ايمي
توما….حبيبه قلبي اللي وحشاني
ايمي….انت اكتر والله يا توما معلش انا متصله بيك عشان اسأل علي ليله هي عندك
توما….اه عندي يا ايمي اهي في حاجه ولا ايه ؟
ايمي….الحمد لله طيب اديهالي معلش
توما…..اهي معاكي شوفي مالها صوتها مش مريح
ليله….بقلق في ايه يا ايمي
ايمي….انتي كويسه صح
ليله…..ايمي في ايه انا زي الفل و هنا مفيش شبكه انتي عارفه
ايمي…..طيب المهم انك بخير كملت بعصبيه علي العربيه اللي قدامها وهي بتدوس كتير علي الكلاكس اطللللع يلا
ليله….ايمي انتي في الشارع في ايه يا ايمي
ايمي….اتصلي علي عشري وطمنيه بصي انا في الكريق علي زايد هروح اعدي چوي علي ماما و هطلع علي قسم مدينتي
ليله….بصدمه في ايه
ايمي….في ناس هجموا علي ابه في المحل هي وابوها بس متقلقيش هما كويس و غالبا تبع مريم يا ليله الشباب سلامه و حسان و محمود اخويا يعني كان في كذا حد معاهم محدش فيه حاجه متقلقيش بس خدوهم علي القسم و انا كالعه علي هناك و رشيد و عشري رايحين كمان
ليله…. انتي بتقولي ايه
ايمي….اهدددددي هما بخير بقولك
ليله…طيب انا رايحه حالا بس ارجعي انتي يا ايمي عشان خاطري انا رايحه
ايمي…..مش هسيب ايه لوحدها يا ليله بس عشان خاطري بصي وراكي كويس عشري خايف تكون دي حركه من مريم عشان نتلهي في ايه و تبقي قصادكي انتي
ليله….بعصبيه مريم مش عبزاني انا الوقت يا ايمي افهمي يا غبيه هي عايزه تحرق قلبي عليكم ارجعي يا ايمي و النبي
ايمي….مش هرجع و متخافيش انا في الكريق رايحه لزوزو و من هناك القسم قريب يلا متتأخريش
