لقاء كارثي

جاسر…..امال اسأل مين هو انا جايب الكلب ده لحد غيركم انا سيبت الكلب و مشيت و الكلب كان كويس دي حتي معملتش فيه اي حاجه

سلامه….كويس انك عارف انه متتملش فيه اي حاجه لسه زي ما انت شايف كده يادوب بس طلع علي البانيو و حصل فيه كده وقع و مات

صاحبه….بقولك ايه يا جاسر الكلب ده يا صاحبي مش ميت موته طبيعيه الكلب ده مسموم شايف الرغاوي اللي طالعه من بوئه

سلامه…..انت صح و ده رأيي بردوا الكلب مسموم

جاسر……ايه بتعترف كمان انكم سميتوا الكلب

احمد….بنبره حاده شويه كلب ايه اللي سميناه يا ابني انت هنموت روح

خرج الشاب ناحيه احمد و صحابه وراه

جاسر…..امال ايه ما الكلب ميت اهو و هو بيقول انه مسموم

اجمد….الكلب انت جايبه تعبان و حالته بالبلاء الازرق و قولنالك في الاول الكلب تعبان و مش هيستحمل قولت لازم يخلص عشان يسافر لصاحبه مش ده كلامك

صاحبه….يعني ايه الكلب تعبان انتوا بتتلككوا يعني بقولك الكلب مسموم

سلامه….يااااا صااااحبي وطي صوتك احنا بنتكلم بهدوء علي فكره و سامعينك كويس

صاحبه…..نعممممم هو انت هتقولي كمان اتكلم ازاي انتوا ليكم عين اصلا ده انتوا سامين الكلب يعني هتروحوا في ستين داهيه

احمد…..كلب ايه اللي سميناه يا بني ادم انت ما تتكلم عدل

سلامه…..بقولك ايه صوتك ميعلاش ده اولا ثانيا اتكلم باحترام كلب ايه اللي سميناه انتوا في مكان محترم ليه سمعته

صاحبه…..اه ماهو باين باماره الكلب اللي ميت جوه

احمد…..بنرفزه يا ابني هو في حد يموت روح و بعدين مين عاقل يبوظ سمعه مكانه اللي شغال فيه و هنموته ليه اصلا

جاسر…..انا مليش دعوه بالقصه دي كلها انا المفروض جايب الكلب مكان محترم يعني اي غلطه انتوا اللي تتحملوها ما بالكم بقي بالكلب اللي مات ده انتوا عارفين صاحبه لو عرف هيعمل ايه

سلامه……بقولك ايه فلوسك اهي متلزمناش احنا معملناش حاجه في الكلب عشان ناخد تمنها الكلب انت جاي وعارف كويس انه مسموم و الحوار اللي انت رسمته من الصبح ده و دخولك بيدچ المحل و عرضك المبلغ و الكلب اللي انت جايبه متدمر و شبه ميت ده مش هيخيل عليا انا فاهم كويس اوي الحوار من الاول علي ايه فا بهدوء و بعقل تاخد فلوسك و صحابك و الكلب لو عايز و تتفضل

جاسر…..نعم يا اخويا بسهوله كده ده انا هوديكي في ستين داهيه