لقاء كارثي

ليله……قولتلك اسكتي بصت للظابط اه مستوعبه الجمله بس واضح ان سيادتك اللي مش مستوعب الموقف قدامك

الظابط….ده واضح كمان انك بتعرفيني شغلي ايه دارسه قانون وانا معرفش

ليله…..مش لازم ادرس قانون عشان اعرف حقوقي

الظابط….صح بس لازم علي الاقل تعرفي واجباتك و تحترمي المكان اللي انتي فيه عشان هنا اللي مبيحترمش المكان بيشرف عندنا

ليله….بابتسامه جريئه بصت للظابط بتهمه ايه ؟؟

الظابط…بنظره حاده و في نفس الوقت فيها اعجاب لا لو علي التهم فا دي كتير ازعاج سلطات تعطيل سير العمل تطاول يعني في كتير ما تقولها يا متر سامح

المحامي….استاذه ليله من فضلك احنا وجودنا هنا مش إلزامي ده كرم من الباشا المفروض منحضرش غير في النيابه فا ارجوكي اهدي شويه .

الظابط….بابتسامه سمعتي ؟ كرم مني يعني انا في العموم برفض ان اي حد يكون موجود اثناء كتابه المحضر و بخلي المحامي يتطلع عليه في الاخر و ممكن كمان ارفض أخليه يتطلع عليه خالص الا بقي في النيابه فا ناخد بالنا من كلامنا و الا انتي عارفه هيحصل ايه كمل بنظره هاديه بس خدي بالك انا مقدر لهفتك علي صاحبتك

ليله…..بصت للظابط و ابتسمت ممكن اسألك سؤال

الظابط…..قام وقف وحط ايده الاتنين في جيبه اتفضلي

ليله…..بتحب شغلك

الظابط…..اكيد اشمعني

ليله….اسفه جداً اتمني متعتبرش ردي تطاول بس اللي بيحب شغلوا المفروض انه بيهتم بيه و بيشوف شغلوا كويس

بصلها بنظره حاده

الظابط…..انتي زودتيها خدي بالك و حظك ان انا النهارده رايق

المحامي….استاذه ليله من فضلك

ليله….لحظه يا متر من فضلك بصت للظابط قولي يا باشا لما حد يطلب منك النجده ايه السبب اللي يخليك تتحفظ عليه و تحجزه و تعرضوا علي النيابه

الظابط…..ده سؤال

ليله…اكيد

الظابط….مفيش حد بيتم التحفظ عليه و هو اللي متضرر و خصوصا لو طلب مساعده الشرطه

ليله….حلو ولما هو كده ايه هنا بتعمل ايه هي و الناس اللي بره ليه حابب تمشيها محضر قصاد محضر

الظابط…..لان من حق اي طرف يقدم محضر ضد التاني احنا هنا بنكفل حق الطرفين في الحفاظ علي حقوقهم و النيابه كمان متقدرش تشوف الواقعه بعين واحده حتي لو واضح مين المعتدي او مين اللي بدأ

في كل الاحوال حتي لو النيابه واضح قدامها مين المعتدي و مين المعتدي عليه لازم تسمع روايه المعتدي لان لو رفضت المحضر بتاعه قرارها يتم التطعن فيه و مش بس كده هيتقال انها انحازت