لقاء كارثي

و يمكن مريم عامله زي ناس كتير حوالينا بتستنزف كل مشاعرنا لدرجه انهم مش بيصعبوا علينا
علي قد ما كنا بني ادمين معاهم في تصرفاتنا علي قد ما عمايلهم معانا حولتنا لشياطين غصب عننا
خدت ليله نفس طويل و فضلت قاعده في مكانها ساكته كل شويه تبص علي عشري كان واقف بضهره و مش باصص عليها بس شكلوا مضايق…
……………….

في الداخل سلامه دخل مره تانيه و حسان كمان دخل يقول اقواله في المحضر لانه اخر واحد وصل.

اما حسين فا من بعد ما قفل مع ليله و هو بيسمع التسجيل في الاول وهي ليله بتحكي باختصار مكانش فاهم اوي ايه السبب اللي يخلي خطيبه واحد سابقه تنتقم او تهدد

ليه توصل لكده وايه الدافع اصلا و لما سمع التهديدات كانت فعلا واضحه و صريحه بس في نقطه مكانش فاهمها الولد اللي نزل ده ابن جوز ليله و لا هي كانت علي علاقه بشاب تاني الموضوع مكانش واضح بالنسباله اوي بس فهم ان التهديدات دي سببها مشكله حصلت مع مريم نفسها بعد ما خلص التسجيل اتصل علي ليله يفهم المقطه دي بسرعه.
اول ما رن ردت علي طول

ليله…..معاك يا حسين باشا

حسين….ليله انا سمعت التسجيل بس في نقطه مش واضحه ليا هي مريم دي كانت علاقتها بجوزك واصله لحد فين

ليله…..كانت خطيبته هي اصلا في معرفه بين اهلها واهلوا يعني ساكنين في زايد مع بعض والدها صاحب والده من زمان معارف يعني

حسين….ايوه يعني خطيبته بس يا ليله ؟

ليله….ايوه و الله هو حضرتك شاكك في حاجه

حسين….في كلامها بتقول ان ابنها نزل هي كانت حامل منه يعني ولا ايه

ليله….لا لا لحظه هفهمك هي كانت علي علاقه بشاب قبل محمد جوزي اهلها رفضوه كتير و بعد كده اتقدملها محمد و بما ان الاهالي يعرفوا بعض فا وافقوا هي طبعا كانت في الوقت ده حامل من الشاب اللي كانت تعرفوا و بعد الخطوبه اعترفت لجوزي بعلاقتها وانها حامل في البدايه قالتلوا انها متجوزه عرفي و انه سابها وقطع الورق طبعا جوزي عشان اهلها وسمعتهم حاول يقف معاها و يساعدها بس اكتشف بعد كده ان هي لا متجوزه عرفي ولا في ورق و كانت علاقه غير شرعيه و قالتلوا كمان انها هتنزل البيبي عشان محدش يعرف و طلعت بتكدب في دي كمان و هو كان ناوي يتجوزها فتره و بعدين ينفصلوا عشان بس تبقي مطلقه و الموضوع ميتعرفش وهي كانت عارفه و متفقين و بعد كده لما انا اتعرفت عليه و قرر انه مش هيقدر يكمل معاها بس عرض عليها انه يفضل يساعدها يحاول يلاقي الشاب و يحلها بينهم و يخليه يكتب عليها وتقعد معاه كام شهر وبعدين ينفصلوا لو حابين و خلصنا علي كده