لقاء كارثي

عسال…..متقربش منهم امسك نفسك وبلاش مصايب الحق معانا يا صاحبي

عشري…..سلامه انت كويس ارفع هدومك كده

شلامه…انا ززززي الفل اهدا و الدنيا تمام خدش بسيط انا واقف قدامك اهو

عشري…..فين ايه ؟

رشيد….ايه حصل فيها حاجه؟

تامر….زي الفل هي جوه بس

سلامه….ايه بخير بس جوه مع الظابط و الواد اللي جاب الكلب

رشيد….طيب فهمونا ايه اللي حصل بالظبط

عشري…..اتأكدتوا ازاي انهم تبع مريم

بدأ سلامه يحكيلهم اللي حصل كله وشكوا من ناحيه الشاب و الدخله اللي دخل بيها علي ايه..

………………..

في الخارج

وصلت ايمي في نفس التوقيت مع سلمي ركنت و لمحتها سلمي قبل ما تدخل قربت منها بسرعه..

ايمي…..سلمي

سلمي….بخوف ايمي هو في ايه انا مش فاهمه حاجه

ايمي….مش عارفه يا سلمي انا زيي زيك

سلمي….انا مرعوبه بجد يا ايمي

ايمي….مسكت ايمي ايدها كانت بتترعش جامد اهدي مفيش حاجه ان شاء الله يلا خلينا ندخل و نشوف ايه اللي حصل

سلمي….طيب يلا علي مهلك

طلعوا كام درجه و مشيوا كام متر قبل ما يدخلوا من بوابه القسم و وقفوا لما سمعوا صوت فرملة عربيه بصوا

سلمي…..دي ليله انا فكرتها جات

ايمي….لا لسه كانت جايه ورايا
خلينا نستناها

شاورتلها سلمي نزلت ليله من العربيه قفلتها وقربت بسرعه منهم

ليله…..انتي كويسه

ايمي….زي الفل متقلقيش

ليله….عامله ايه يا سلمي

سلمي….بخير هلينا ندخل نشوفهم والنبي يلا

ليله…يلا علي مهلك يا ايمي

دخلت ايمي و سلمي مع بعض و ليله وراهم كان الكل موجود معادا حسان اللي لسه مجاش

ايه كانت لسه جوه عند الظابط
اول ما البنات دخلوا لمحوهم الشباب
طبعاً اتصدموا من شكل الشباب و ليله خدت الصدمه بسكوت.

سلمي….بابا انت كويس

احمد….زي الفل اهدي انا بخير

تامر….متخافيش يا سلمي كلنا بخير

سلمي….بخير ايه بس ايه الدم ده

رشيد….سلمي اهدي كلهم بخير متقلقيش

ايمي…بصت علي سلامه انت كويس

سلامه…..متقلقيش بخير والله

بصت ايمي لرشيد كان باين عليه انه مضايق منها بس سابها عارف انه غصب عنها

رشيد…انتي كويسه

ايمي….الحمد لله

عشري بص لليله وسكت خالص فضل ساند علي الحيطه جنبه و ايده وراء ضهره مبصتش لليله لاي حد غير احمد كانت حاسه بأسف و حزن و صعبان عليها اللي حصل فالنهايه هو راجل كبير و عمره ما كان ليه في البهدله دي بصلها احمد بهدوء و ابتسم ابتسامه هاديه كان عارف ان هي مضايقه عشانه