لقاء كـ،ـ،ـارثي

نسمه…بدموع طيب ليه عملتي كده

نعيمه….بدموع والله ما اعرف بس انا مش حاسه اني جاهزه مش قادره اكمل الخطوه جوايا لغبطه من حجات كتير محتاجه ابعد فتره بس فضل يجنن و غالي علي قلبي انا بس اللي تعبانه ومضغوطه لكن الاهم بالنسبالي انك تتأكدي انك ملكيش ذنب و غلاوتك انتي ونادر و ماما وبابا مش بسببك خالص فهمتي

نسمه….طيب ارجعي عشان خاطري

نعيمه…هرجع اكيد يا نسمه انا مش ههاجر بس محتاجه افصل فتره عشان ارجع احسن عشان تبقي فخوره بيا و تشوفيني بشكل كويس كملن بدموع عشان مفضلش في نظرك انانيه و وحشه و قاسيه عشان اقدر اسمعك لما يبقي عندك مشكله عشان تبقي الكتف اللي تتسندي عليه و الحضن اللي اول ما تحسي انك محتجاه تترمي جواه مش جوه حضن تاني

نسمه…بدموع انسي كل ده ارجعي بس انا بحبك يا نعيمه و مش زعلانه والله العظيم منك نعيمه انتي اختي و كل حاجه ليا

نعيمه….بدموع هرجع والله و كل ده هيخلص بس بطلي عياط وانسي ادعيلي بس ابقي كويسه و انا عموما فتحت الموبايل خلاص هكلمك وانتي كلميني وبعدين كمان هبقي افرجك علي البيت و نظبطه مع بعض لان ناقصه حجات كتير و كمان هتعلميني شويه اكل كده اعملهم ماشي

نسمه….بابتسامه ماشي طيب انتي كويسه

نعيمه….انا زي الفل و بخير و اهم حاجه عندي انك مش زعلانه

نسمه….لا والله انا بس عيزاكي تيجي هنقضي رمضان من غيرك يا نعيمه

نعيمه….حاضر هرجع والله بس مش الوقت وبعدين هكلمكم كل شويه بطلي عياط بقي متبقيش نكديه

نسمه…بحب انا بحبك اوي

نعيمه….وانا بحبك اكتر يا قلب اختك نادر فين

نسمه….في الشغل لسه مجاش

نعيمه….خلاص هبقي اكلموا

نسمه…طيب خدي بابا

عادل…يا نعيمه ريحي قلبي يا بنتي

نعيمه….ارتاح يا حبيبي انا كويسه وحقك عليا متزعلش مني علي الموقف اللي حطيتك فيه مع فضل بس غصب عني

عادل…متفكريش في حاجه الوقت المهم انتي

نجلاء…..هات طيب انتي قاعده قد ايه

نعيمه…..شويه يا ماما بس والله اول ما احس اني احسن هرجع متقلقيش

نجلاء….نجود كلمتني كذا مره تسأل عليكي وقالتلب انها بعتتلك رسايل كتير

نعيمه….بتأثر عارفه شوفت كل الرسايل والوقت المهم بس اطمنوا انا بخير و متزعلوش مني وادعيلي كتير يا ماما

نجلاء….بدعيلك والله العظيم بس عشان خاطري متقفليش موبايلك تاني يا نعيمه