لقاء كـ،ـ،ـارثي

حنان راحت و محمود كمان مكانش موجود غيرهم بس

ريهام فاجئتهم و عملت يوم مميز طبله شو احتفلت و يمكن غيرت مودهم شويه كان في ناس كتير اوي

لدرجه ان مكانش في مكان فاضي لا بره ولا جوه اجواء حلوه بجد طبله و اغاني اطباق مميزه و ورق بيتوزع علي الناس يكتبوا في رأيهم و الغريب ان كل الاراء كانت تجنن و مبسوطين اوي و كتير طلبوا ان اليوم ده يتكرر ديما كا نوع من انواع التغيير حبوا طبله ريهام و الجو الجميل الي عملتوا و كانوا بيتصوروا و يعملوا مقاطع ڤديو عشان تنزل علي الصفحه يقولوا رايهم محمود كان رايح جاي يبص علي المكان بنفسه و مبسوط لان الكل مبسوطين

و كان اليوم ده بالتحديد من اكتر الايام اللي الشغل فيه كان عالي جداً

و انتهي اليوم بسعاده و نجاح رغم ان المود العام كان سئ علي اغلبهم.

…………..

مر حوالي خمس ايام و في خلال الخمس ايام دول عرفوا ان نعيمه سافرت فعلاً و طول الفتره دي مفتحتش الموبال خالص و لا حتي الاكونتات بتاعتها كانت في خالة سكون تامه لسه بتحاول تتقبل الوضع الجديد بتتعود علي وحدتها

بتتعود علي البيت بتحاول تتأقلم و تهدأ مكانتش عابزه تفتح ولا تكلم حد الا لما تحس انها افضل شويه مش عايزه حد ياثر عليها و تضعف لانها مكانتش حابه تفضل لوحدها اصلا ..

وخلال الفتره دي البنات كل شويه يبعتولها رسايل و اهلها و عايزين يطمنوا عليها حتي الشباب كانوا بيحاولوا يطمنوا يفهموا يقولولها كلمتين يغيروا الوضع العام..

ليله وعشري كانوا في عالم خاص بيهم فسح خروجات سهر سعاده و حب بتكلم البنات بس كانوا متفقين ان مش طول الوقت يردوا عليها عشان متحسش بغياب نعيمه لانها اتصلت وسالت عليها نادين و قالتلها مبتردش و نادين اتحججت كتير و كل مره تقولها حاجه شكل ..

و اخيراً اجازتهم خلصت بقالهم عشر ايام مسافرين و المفروض انهم راجعين خلاص ..

في خلال الخمس ايام دول من بعد الاحتفال اللي حصل في المطعم كان في حالة من النشاط غير عاديه يمكن عشان بدأ الجو ميبقاش برد يمكن عشان اليوم اللي ريهام عملتوا كان مميز و جديد و عمل روح ايرادات المطعم بقت في صعود ملحوظ و قررت ريهام تعمل الحفله دي كل اول شهر بدل كل سنه

يمكن الخمس ايام دول البنات و الشباب كانوا بدأوا يتاقلموا و ينزلوا يشوفوا شغلهم و يكملوا حياتهم بس كان في حاله من الحزن الملل