لقاء كـ،ـ،ـارثي

ليله….بابتسامه خوفت عليا

عشري….بضحكة غيظ لا وامشي يابت يلا

ليله….بضحك اعترف اعترف خوفت

عشري….خوفت والله طبعاً لما شوفتك الوقت كان نفسي الطشك ميت قلم

ليله….بضحك مالك قلبت ام مصريه اصيله كده ليه

عشري….كنت بستغربهم بس والله معاهم حق انتي متبعديش عني تاني تفضلي جنبي توهتي يا هبله امال فين ليله الجامده

ليله…بضحك لا جامده ولا نيله انا لما فقدت الامل رسمت مستقبلي هنا لمحت واحد عمال يعزف والناس تحطلوا فلوس قولت هروح اشتغل معاه

عشري….بضحك شحاته

ليله….بضحك شحاته شحاته بس اعيش و بعدين بطل قلة ادب انا جامده يا حبيبي والدليل اني رجعتلك اهو

عشري…..بعد ما نشفتي دمي

ليله….بضحك والله انا اللي دمي نشف و محتاجه جلوكوز مالت عليه ورمت جسمها كلها

عشري….بضحك مسكها جامد بتتت قومي بلاش دلع

ليله…..طب انا جعانه

عشري….يا فرج الله عيشت و شوفتك بتقولي جعانه عايزه تاكلي ايه

ليله….بضحك الحقني بخروف يعوض الخوف

ضحك عشري وباسها من خدهو

عشري…..احسن عشان تبقي تفركي اوي مش قادره تستني لما اصحي

ليله….ما انت نايم زي القتيل

عشري….غرقيني بالمايه زي ما عملتي اول يوم

ليله …بحب صعبت عليا وبعدين قولت هتزهق و انا عماله اشتري واللف علي المحلات

عشري…..لا مش هزهق و ملكيش دعوه المكان اللي عايزه تروحي فيه ان شاالله تقعدي تلفي فيه ساعتين و بعدين جيبتي ايه

ليله….بابتسامه حجات قمر للبنات و لرهف و ملك وساره وكارين و لسه هكمل يعني

عشري….بضحك انا لو مكانك وتايهه ارمي من ايدي اي حاجه من كتر التوتر

ليله…..بضحك لا يا حبيبي انا تعبت فيهم و قولت يعني لو توهت اقف ابيعهم بقي واعمل مصلحه

عشري….بضحك طب يلا يا هبله هلينا نطلع نحط الحاجه و نغير عشان ننزل ناكل و اخرجك

ليله….طب امسك الشنط ايه مفيش ذوق

عشري…..قلي ادبك كمان ما انتي رجعتي

ليله…..بحب طبعا ارتاحت لما شوفتك اقل ادبي براحتي

عشري…..بحب طيب يلا يا تاعبه قلبي

ابتسمت ومسكت في ايده و طلعوا علي فوق

……………….

عند نادين..

نادين….يعني هو عندك الوقت

عسال….اه تعرفي تيجي

نادين….اه طبعا هجيلك علي طول

عسال…..ماشي ياروحي مستنيكي

نادين….باي يا حبيبي

عسال….باي

كملت نادين طريقها و قبل ما توصل علي نسمه اتصلت عليها تنزلها عشر دقايق و وصلت كانت نسمه واقفه تحت