لقاء كـ،ـ،ـارثي

نادين….طيب تمام يا ليله انا يمكن مفكرتش في الموضوع بالطريقه دي لان هي كانت مصممه و في نفس الوقت انا مش هعرف اعمل ده

ليله….لا هتعملي ده وهي معاكي و زي ما قولتلك عشان انتي مشغوله و شاياه شغل كتير فا انا شايفه الافضل تجيبي بنت تساعدك

ايه…..طيب بقولكم ايه ما تخلوا نغم تشتغل معاكي يا نادين بما انكم عايزين تفتحوا باب رزق لبنوته بيتهيألي نغم اكتر حد محتاج المساعده دي علي الاقل لحد ما تقف علي رجليها و تشتغل في مجال شغلها في الصحافه و في نفس الوقت تحس انها بتعمل حاجه

ايمي……جدعه يا بت يا ايه

سلمي…..علي فكره نغم جميله و طيبه و محترمه و متقلقيش هي متربيه و لايمكن تمد ايدها علي حاجه بصراحه انا وايه حاجتنا طول الوقت قدامها و عمرها ما عملت حاجه مش تمام يعني من يوم ماجات وهي بجد في كل تصرفاتها محترمه وممكن تجربيها

نادين….انا معنديش مشكله طبعاً انا شوفتها وهي فعلا شكلها بنوته بنت ناس و متربيه

ليله…طب حلو ما الدنيا محلوله اهي البنات يقولولها و شغليها معاكي علي الاقل تحس انها بدأت تعمل حاجه تجيب فلوس متبقاش قاعده حاسه انها بتاكل وتشرب و تنام وهي عيبئ علي حد في النهايه هي بنوته و ليها طلبات جايز فعلا ربنا عمل كل ده عشان يفتحلها باب رزق هي اولي بالفلوس دي

ايه……صح والله يا ليله بصي هو محدش فينا اشتكي ولا هيشتكي لانها مش عيبئ ولا حاجه بس هي طول الوقت من بعد ما رجليها بدأت تخف شويه ديما عايزه تقوم تعمل اكل تساعد تنضف

سلمي…..حصل وبصراحه انا حابه انها تفك شويه و متبقاش مكسوفه وفي نفس الوقت مضايقه عشان انا حاسه انها بتعمل ده عشان ترد مثلا جميل او تساعد مع ان لو معملتش كل ده محدش فينا هيضايق

ايه….كمان هي حرفياً ماشيه من بيتها وهي معهاش جنيه في جيبها معهاش غير سلسله ذكري من مامتها وكانت عايزه تبيعها عشان تصلح الموبايل بس بابا رفض كمان الموبايل بتاعها باظ و بابا اداها موبايل تاني كان عندنا حتي مش معاها غير غيار واحد و لما بديها اي حاجه بتبقي هاين عليها تعيط فا فكره الشغل بيتهيالي حلوه ليها في التوقيت ده يعني تجيب لبس تجيب حاجه من غير ما تتحرج لانها مش بتطلب خالص و الي فينا بيجيبلها حاجه علي قد ما بتفرح علي قد ماهي بتبقي مخنوقه

نادين…..انا موافقه طبعاً عرفوها و هعملها مرتب كويس