لقاء كـ،ـ،ـارثي

ليله…..لا بس هي مش هتخلص كده يا عشري يعني انا مش بقول نعيمه صح بس كمان منعرفش ليه عملت كده وايه اصلا اللي وصلها لكده كلنا بنتعرض لنفس الضغط النفسي ده و ردود افعالنا بتبقي مختلفه بس لازم نعذر بعض

عشري….انا معاكي و عندك حق اكيد مش هتخلص كده و هنستني بس الدنيا تهدأ لان فضل مش هيسمع خالص انا عارفه بس كمان يا ليله الطريقه مكانتش احسن حاجه يعني كان افضل انها تشوفوا و تتكلم معاه و تديه حاجته بس تبعتها مع نادين و تخلص في رساله بصراحه انا معاه

عارفه لو نفس السيناريو ده حصل و كان في زعل بينهم مثلا او خلاف هنقول ممكن لكن مكانش في

ليله…..عشري انا بصراحه مش عارفه اقولك ايه

عشري….لا قولي رايك عادي وانسي خالص ان فضل ابن عمتي احنا كلنا صحاب يعني بلاش تحسي ان الموضوع محرج بالنسبالي

ليله…..انا مش عايزه كلامي يتفهم دفاع نعيمه لان والله العظيم يا عشري فضل يهمني زيها بالظبط و مضايقه عشانه زي ما انت مضايقه عشانها يمكن انا معاك في كل اللي قولتوا الطريقه مش حلوه فيها جرح لفضل وكرامته كاراجل و فيها وجع كبير وصدمه بس كمان من ناحيه تانيه حتي لو نعيمه غلط فا انا مقتنعه ان مفيش حاجه بتحصل من غير سبب حتي لو الموضوع بالنسبالنا مش مقنع او مرضي فا احنا مش عارفين ابعاده مش عارفين نعيمه عملت كده ليه ايه اصلا اللي موصلها للحاله دي و هل الحاله اللي هي فيها دي تستدعي انها تبعد عن فضل ولا لا

عشري….من كلام فضل في رسالتها ليه ولأهلها و للبنات ان هي مش كويسه بس مفيش سبب واضح قالتوا او مشكله بتمر بيها تلمح حتي ليها من بعيد

ليله….بس اكيد في سبب يمكن ضغط تراكمات يمكن المشكله اللي حصلت بينها وبين البنات و الموقف ده خلاها تتحرج مننا فا رد فعلها كان غير محسوب انا مش قادره الاقي مبرر مقنع يخليني ادافع عنها قدامك بس انا عارفه نعيمه كويس هي مش بخير

عشري….ليله انتي مش محتاجه تدافعي عن نعيمه قدامي عشان تحسني صورتها انا عارف ان نعيمه طيبه و جواها كويس و اكيد مضايق عشانها بس بصراحه انا مضايق عشان فضل برضوا لو شوفتيه هتفهمي قصدي

ليله…من غير ما اشوفوا انا عارفه انه مش كويس يعني كان فاضل حوالي شهر ونص ويبقوا في بيتهم مش سهله طبعاً في لحظه كل حاجه اتقلبت طبيعي يضايق خصوصا زي ما بتقول مانع اب حد يتكلم معاه في الموضوع يعني لا غضب و لا اتعصب ولا عبر عن الموقف الي اتحط فيه و ده ضغط كبير علي فكره جايز هو شايف ان ده من وجهه نظره افضل بس ده غلط لازم يتكلم و يخرج اللي جواه عشري انا لما حصل بينا المشكله و فضلت ساكته تعبت السكوت مش ديما كويس عشان كده انا مش فارق معايا اللي حصل قد ما فارق معايا نعيمه وفضل هي مسافره و لوحدها وهو هنا رافض يتكلم